Бизнис

Андоновски: „Метеж во продавници – знак дека проектот е успешен!“

Преку Министерството за дигитална трансформација (МДТ) досега на студенти се издадени приближно 40.000 ваучери за набавка на електронски уреди, а повеќе од половина од нив, 21.000, се веќе искористени.

2 минути за читање

Преку Министерството за дигитална трансформација (МДТ) досега на студенти се издадени приближно 40.000 ваучери за набавка на електронски уреди, а повеќе од половина од нив, 21.000, се веќе искористени. Рокот за аплицирање е до 20 декември, соопшти денеска министерот за дигитална трансформација Стефан Андоновски.

На новинарско прашање Андоновски оцени дека проектот со ваучерите е успешен и оти за тоа сведочи метежот и побарувачката во продавниците. Очекува до крајот на јавниот повик, 20 декември, најголемиот дел од студентите да ги земат ваучерите, а до крајот на рокот за проектот, 1 јануари, да набават уреди.

– Во последните пет шест дена веќе имаме намалување на бројот на издадени ваучери што покажува дека најголемиот дел од заинтересираните студенти на кои им беше приоритет да извадат ваучер веќе го имаат направено тоа. Остануваат уште 15.000 нераспределени и очекувам до крајот на јавниот повик најголемиот дел од студентите да го извадат ваучерот. Она што ме радува е што 21 000 студенти веќе си подигнале електронски уреди со тие ваучери, што значи дека нешто повеќе од половина се искористени. Очекувам до 1 јануари сите кои биле заинтерсирани и подигнале ваучер да го реализираат. Има метеж во продавниците, има голема побарувачка, тоа беше и целта на проектот и мислам дека е сосема успешен, изјави Андоновски, по промоцијата на ви фи зона со бесплатен интернет на Фиозофскиот факултет – Скопје.

На новинарско прашање, Андоновски најави дека доградбата на зградите на Факултетот за физичка култура (ФФК) и Факултетот за информатички технологии (ФИНКИ) кои со години се во фаза на карабина, ќе почне во 2026 или 2027 година.

– Министерството за образование и наука работи на ревизија на проектот. По завршување на ревизијата бидејќи треба да се ревидира целиот објект којшто е напуштен за жал поради негрижа на претходната власт веќе 10 години, се надевам дека ќе почне процес на реновирање. Очекувам дека тоа ќе започне во 2026 или 2027 година и ќе се заврши до крајот на мандатот, изјави Андоновски.

Во однос на заштитата на електронските адреси на училиштата, по неодамнешните случаи со дојави за бомби, ги повтори насоките да се почитуваат протоколите за однесување и да не се користат приватни адреси туку официјалните на училиштата и на МОН.

Поврзани теми:

актуелно|Стефан Андоновски|Министерство за дигитална транформација|Ваучери за студенти|МДТ|електронски уреди

Повеќе на оваа тема:

Најнови вести од: Бизнис

Трезорот продолжува со редовна исплата на налози: Исплатени субвенции, плати, К-15 и капитални расходи

Министерството за финансии продолжува со редовна исплата и реализација на доставените налози од буџетските корисници, кои што согласно насоките ги доставуваа налозите до 15 декември 2025 година.

Донесена е одлуката за прогласување на кризна состојба од 7 дена поради неможноста за набавка на мазут

Причина за прогласувањето на кризна состојба е неможноста за набавка на мазут, кој е неопходен за производството на електрична енергија. Владата информира дека задолжителните резерви на нафтен дериват ќе се отстапат без надоместок, а АД ЕСМ ќе има обврска да доставува извештај за трошењето на мазутот до Владата и до Министерството за финансии.

Инфлацијата е стабилизирана – девизните резерви се на сигурно ниво, вели Гувернерот Славески

Во последните четири месеци не само што инфлацијата е стабилизирана туку имаме и месеци на нејзино намалување. Од особена важност е што се стабилизирани инфлациските очекувања на домаќинствата и на фирмите, односно нема очекувања за постојан раст на цените и сметам дека тоа е постигнато, нагласи Славески.

Исплатени близу 5,5 милиони евра субвенции за сточарите

Корисниците на кои не им се исплатени субвенции за 2023 година трреба да се обратат до Агенцијата за финансиска поддршка во земјоделството и руралниот развој, со цел да се изврши детална проверка и разгледување на секој поединечен случај, соопшти Министерството за земјоделство.

Мицкоски: Зголемување на минималната плата преку дијалог, не преку наметнати решенија

Економско-социјалниот совет не донесе одлука за зголемување на минималната плата. Владата тврди дека не е против зголемување, но инсистира тоа да биде економски оправдано. Според актуелните параметри, нема потреба од интервентно зголемување пред редовното усогласување во март.

(Фото): Пробиваме планини за безбеден автопат Охрид-Кичево, вели Николоски

Со засилено темпо продолжуваат да се изведуваат градежните зафати на автопатот Охрид – Кичево. За првпат во Македонија, но и во поширокиот регион, на оваа траса се применуваат напредни градежни решенија за стабилизација на теренот, со цел автопатот целосно да се доизгради и да се стави во функција како безбедно сообраќајно решение.

Дурмиши: Минималната плата ќе се усогласува законски и одржливо

Министерот за економија го презентираше напредокот во подготовката на Оперативниот план за активни програми и мерки за вработување за 2026 година, со вкупен буџет од 2,39 милијарди денари. Фокусот е ставен на младите, на обуките за вештини што ги бара пазарот на труд и на вклучувањето на ранливите категории, особено лицата со ниско или без формално образование.
Сите вести од Бизнис

Најнови вести

To top