Владата во најкус можен рок ќе преземе мерки кон трговците што ги зголемиле маржите по завршувањето на анализата на цените на околу 600 до 700 производи, најави премиерот Христијан Мицкоски
„Очекуваме во најкраток период оние кои малку ги зголемиле маржите во споредба со истиот период минатата година – од два до пет процентни поени над постојните бруто-профитни маржи – да бидат предупредени. Ако некој имал маржа од 10 проценти, а сега е 12 или 15 проценти, ќе биде предупреден“, рече Мицкоски во одговор на новинарско прашање при увидот во реконструкцијата на СОУ „Св. Климент Охридски“ во Охрид.
Тој информира дека наскоро во Министерството за економија и труд ќе се одржи состанок со претставниците на трговските компании.