Бизнис

Ќе добиеме ли конечно пруга од Скопје до Софија?!

Македонија и Бугарија ја потврдија посветеноста за изградба на железничка врска од Скопје до Софија, преку Коридорот 8 до 2030 година. Оваа сериозна инвестиција е важна како за двете држави, така и за сите земји кои ќе циркулираат преку оваа железничка делница.

2 минути за читање

Железничкото поврзување меѓу Скопје и Софија, еден од најдискутираните инфраструктурни проекти во регионот, повторно е во фокусот на институциите, со планови да биде реализирано до крајот на оваа декада. На 4 март 2026 година, во Министерството за транспорт и врски на Бугарија се одржа средба меѓу амбасадорката на Македонија Агнеза Руси Поповска и бугарскиот министер за транспорт Корман Исмаилов, на која се разговараше за напредокот на проектите долж Коридорот 8.

На средбата двете страни ја потврдија посветеноста за изградба на железничката врска меѓу Македонија и Бугарија, која се смета за стратешки инфраструктурен проект за подобро регионално поврзување.

Клучен чекор: Договорот за тунелот

Како значаен напредок беше поздравено ратификувањето на Договорот за изградба на прекуграничниот железнички тунел, кој беше одобрен од парламентите на двете земји. Овој чекор овозможува реално започнување на следната фаза од проектот.

Во продолжение е предвидено формирање на Заеднички комитет, кој ќе биде предводен од заменик-министрите за транспорт од двете земји. Неговата задача ќе биде координација на подготовките, изградбата и идното функционирање на железничкиот тунел и поврзаната инфраструктура.

Соработка за реализација на Коридорот 8

На средбата беше нагласена и конструктивната соработка меѓу институциите на Северна Македонија и Бугарија, која се смета за клучна за непречено спроведување на проектот. Железничкото поврзување преку Коридорот 8 се смета за важен чекор за подобрување на транспортот, економската соработка и регионалната интеграција на Балканот.

Поврзани теми:

топ|Скопје|Софија|пруга|железница|инвеститори

Повеќе на оваа тема:

Најнови вести од: Бизнис

Народна банка внимателно ги следи светските ризици и е подготвена за соодветно реагирање

Гувернерот Славески нагласи дека Народната банка, како носител на монетарната политика, постојано ги оценува големината, природата и влијанието на шоковите на домашната економија. Според него, за да се изгради отпорност, потребни се кредибилна монетарна политика и ефикасни макропрудентни мерки со цел да се задржи макроекономската стабилност и стабилноста на банкарскиот систем.

„Алказар Енерџи“ отвора јавна консултација за значајниот проект за ветерниот парк во Штип

Со планиран инсталиран капацитет до 396 MW, ветерниот парк Штип претставува трансформативен чекор кон зајакнување на енергетската независност на земјата, намалување на зависноста од фосилни горива и забрзување на напредокот кон националните климатски цели. Проектот е и значаен придонес кон Платформата за праведна енергетска транзиција на Македонија, лансирана на COP28.

Вучиќ разговарал со Путин, Србија и понатаму ќе добива двојно поевтин гас од Русија отколку на берза

Во случај на копнена инвазија врз Иран, светот, а особено Европа, ќе се соочи со најголемата енергетска катастрофа во историјата, предупреди српскиот претседател

(Видео): Како ќе изгледа новиот охридски аеродром кој за само два месеца опслужил над 28.000 патници

Со 4 нови линии што ќе започнат од охридскиот аеродромот со летниот распоред на летови (Милано, Виена, Вроцлав и Катовице), како и претходно започнатата нова линија до Братислава, ТАВ Македонија очекува овој двоцифрен раст на патничкиот сообраќај да продолжи. Моментално, од Охрид, како една од најважните туристички дестинации во регионот, летаат 8 авиокомпании до 17 дестинации, меѓу кои 3 се чартер летови.

Славески: Стабилен банкарски систем и претпазлива монетарна политика во услови на светска неизвесност

Банкарскиот систем и натаму е стабилен и отпорен, со високо ниво на капитална адекватност, ликвидност и профитабилност. Довербата на граѓаните и компаниите се потврдува преку постојаниот раст на депозитите, дури и во услови на зголемена неизвесност.

(Фото): Потпишан колективниот договор за административците – етапно ќе растат платите до 40%

Министерството за јавна администрација со овој чин ја потврдува својата заложба за градење современа, ефикасна и правично организирана јавна администрација, во која се создаваат подобри услови за професионален развој, институционална стабилност и долгорочна мотивација на вработените.
Сите вести од Бизнис

Најнови вести

To top