Бизнис

Народната банка ги одбележува Светскиот ден на штедењето и Деновите на финансиската писменост

Народната банка веќе четиринаесетта година го одбележува Светскиот ден на штедењето. Деновите на финансиската писменост се одржуваат по десетти пат и се во организација на финансиските регулаторни институции  ̶  Народната банка, Министерството за финансии, Комисијата за надзор на пазарот на капитал, Агенцијата за супервизија на капитално пензиско осигурување ‒ МАПАС и Агенцијата за супервизија на осигурувањето, во соработка со приватниот финансиски сектор и граѓанските здруженија.

Со цел да се зајакне финансиската едукација, да се поттикне финансиската вклученост и да се зголемат свесноста и заштитата на потрошувачите при користењето финансиски производи и услуги во современите услови на дигитализација, од 28 октомври до 5 ноември ќе се одржат повеќе активности во рамките на одбележувањето на Светскиот ден на штедењето – 31 октомври и Деновите на финансиската писменост.

По повод одбележување на Светскиот ден на штедењето – 31 октомври, Народната банка ќе организира работилница за штедењето со ученици, којашто ќе се одржи во просториите на едно основно училиште, а потоа учениците ќе ја посетат Народната банка, каде што ќе се запознаат со работењето на институцијата. Воедно, во Народната банка ќе се организираат едукативни предавања, како и квиз за учениците од едно средно училиште. Во рамките на соработката со Сојузот на средношколци, оваа година учениците ќе ја посетат Народната банка, при што ќе биде организирана трибина на тема: „Важноста на штедењето за економијата и поединецот“, на која средношколците ќе имаат можност да дискутираат на тема пари, штедење, инвестирање и управување со личните финансии.

Во рамките на Деновите на финансиска писменост, Народната банка ќе организира виртуелен настан на тема: „Родова финансиска инклузија“ којшто ќе се одржи на 4 ноември 2026 година. Предавањето ќе го одржи Елизабет Наумовски, која живее во Канада и е реномирана говорничка од областа на финансиското образование и мотивациски говорник за жените. Исто така, во соработка со Светската банка, Народната банка ќе објави и едукативен  видеозапис на тема: „Како да испраќате пари дома преку СЕПА – Единствената европска платежна област“ со цел запознавање на населението со предностите за прекугранични плаќања и приливи во евра, со над 40 земји членки на СЕПA. Меѓу другото, Народната банка ќе организира и посета на основни училишта од руралните средини во земјава во рамки на руралниот караван со цел запознавање на учениците со функциите и задачите на Народната банка.

Народната банка веќе четиринаесетта година го одбележува Светскиот ден на штедењето. Деновите на финансиската писменост се одржуваат по десетти пат и се во организација на финансиските регулаторни институции  ̶  Народната банка, Министерството за финансии, Комисијата за надзор на пазарот на капитал, Агенцијата за супервизија на капитално пензиско осигурување ‒ МАПАС и Агенцијата за супервизија на осигурувањето, во соработка со приватниот финансиски сектор и граѓанските здруженија.

Најнови вести од: Бизнис

В среда продолжува Комисиската расправа за Предлог-буџетот за 2027 година

За капитални расходи се планирани 40,8 милијарди денари. Даночните приходи се проектирани на 223,1 милијарди денари, што претставува раст од 6,4 проценти. За социјални трансфери се предвидени 220,8 милијарди денари, што е зголемување за 4,1 проценти, од кои 123,8 милијарди денари за исплата на пензии или раст за 4,8 проценти во согласност со законското усогласување.

АЕТМ: Половина од онлајн купувачите во Македонија плаќаат исклучиво во готовина при достава

Новата Анализа на плаќањето при достава и дигиталните плаќања во е-трговијата во Македонија за 2026, спроведена од Асоцијацијата за е-трговија на Македонија со поддршка на Visa и презентирана на деветтата Регионална конференција за е-трговија во Скопје, открива значителен јаз меѓу пристапот до платежни инструменти и нивната реална употреба.

Првата аукција на 30 ноември – Народна банка презема чекори за обезбедување нов сопственик на „АЛТА банка“

Постапката е дел од активностите насочени кон обезбедување нов сопственик на Банката, создавање услови за нејзино натамошно работење и зачувување на интересите на штедачите и останатите клиенти.

MTEL им подарува SkyShowtime на корисниците – повеќе филмови, серии и забава

Од 16 ноември, корисниците што ќе склучат договор за mSAT, MOVE, mBOX или mCONNECT ќе добијат ваучер за пристап до SkyShowtime Standard пакетот без дополнителен надомест во текот на промотивниот период. Така ќе можат да уживаат во широк избор меѓународни филмови и ТВ содржини.

Коњановски: Декарбонизација не значи деиндустријализација

Зелената транзиција мора да ги земе предвид потребите на економијата и можностите на енергетскиот систем. Намалувањето на зависноста од јагленот треба да биде постепено, со обезбедено стабилно снабдување за индустријата и граѓаните

To top