Бизнис

Ожнеани над 280.000 тони пченица, доволно ли е за домашните потреби?!

На прагот на есенската сеидба ќе се настојува да се задржат годинашниве квалитет и квантитет на пченицата. Ќе претстојат низа средби со земјоделците со министерот.

Над 280.000 тони пченица од годинашново производство, речиси ги задоволуваме домашните потреби и годинава нема потреба да зависиме од увоз, изјави во Прилеп министерот за земјоделство, шумарство и водостопанство Цветан Трипуновски. Годинава се зголемени површините со пченица и родот е квалитетен и доволен за домашните потреби.

  • Со добриот квалитет, со квантитетот што го постигнуваме, Македонија ќе застане на сопствени нозе, нема потреба да зависиме од увоз на пченица од соседните држави или од други земји, туку, нашите земјоделци ќе произведуваат за нашите преработувачки капацитети. Министерството и Владата се на располагање, овие квалитет и квантитет да ги отсликаме за наредната, 2026 година, рече Трипуновски.

Според Министерот Трипуновски, сериозно добриот квалитет на пченицата  е прифатлив за мелничко-пекарската индустрија, а и стоковите резерви се од домашна пченица.

  • Оваа година имаме сериозно добар квалитет, кој е прифатлив за нашата мелничко пекарска индустрија и тоа значи дека нема потреба повеќе оваа година да бидеме зависни од увоз. Направивме напори стоковите резерви да ги полниме со домашна пченица, а за наредната година ќе интервенираме токму во жетвата кога ќе се учествува во регулација на откупната цена, рече Трипуновски.

На прагот на есенската сеидба ќе се настојува да се задржат годинашниве квалитет и квантитет на пченицата. Ќе претстојат низа средби со земјоделците.

  • Планиаме одредени модификации за ова производство да го стабилизираме и по можност да го зголемиме. Ќе разговараме за програмата за 2026, за семенскиот материјал, за некаква дополнителна поддршка, со цел овој стратешки производ да го одржуваме бидејќи е многу важен за нашата држава и ова ниво на производство треба да го одржиме. Владата и министерството се партнери на земјоделците, така ќе продолжиме и во наредниот перид, изјави во Прилеп министерот Трипуновски.

Најнови вести од: Бизнис

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

To top