Буџетот за 2026 година е развоен, реален и одговорен, предвидени се пари за се – за економски раст, за поттик на инвестиции, за нова вредност, за подобри можности и подобар животен стандард на граѓаните. Вака министерката за финансии Гордана Димитриеска-Кочоска, го образложи буџетот пред пратениците. Со него се продолжува со макроекономската стабилност, фискалната консолидација, како и пари за сервисирање на сите обврски вкучително и исплаќање на еврообврзницата. Економскиот раст за в година се очекува да порасне на 3,8%, а инфлацијата да падне на 2,5%.
Денеска започна расправата која ќе трае пет дена, за истиот да се донесе до крајот на годинава.
- Буџетот е изготвен врз основа на постигнатите економски резултати и очекувањата за продолжување на позитивните трендови. Водевме сметка за реалноста во проекциите, економичноста и ефективноста во планирањето, со цел да обезбедиме стабилен развој, редовно функционирање на институциите и навремена исплата на сите обврски. Овој Буџет не е само документ со бројки и табели – тој е економска порака за стабилност, доверба и развој. Јасна потврда за одговорното управување со јавните финансии кое го воспоставивме и го продолжуваме со полн капацитет, рече министерката за финансии.
Од опозицијата со критика дека ова е буџет кој не ги задоволува потребите на државата.
Со Предлогот, рече таа, особен акцент е ставен на подобра наплата на сопствените приходи од страна на буџетските корисници, рационално користење на јавните средства, како и навремено и реално планирање на капиталните расходи. Системот на субвенции и социјални трансфери ќе биде редизајниран со построги критериуми за да се обезбеди целисходна распределба, додека фискалната дисциплина, транспарентноста и дигитализацијата на процесите ќе обезбедат поефикасни и поквалитетни јавни услуги, најави министерката за финансии, најави министерката за финансии.
Во државната каса ќе се слеат повеќе пари од данок на личен доход за 8,7%. Најголем пораст ќе има кај приходите од данокот на добивка од над 14%. Од ДДВ во државната каса ќе се инкасираат 1,5 милијарди евра. Од социјални придонеси на граѓаните ќе се наплатат 1,98 милијарди евра.
Повеќе пари за плати и пензии, а помаку за социјални надоместоци. Со новото прекројување на државната каса ќе се градат патишта, болници, училишта. Ова е до сега најтежок буџет од 6,7 милијарди евра. Буџетскиот дефицит е проектиран на 3,5% од БДП или 637 милиони евра. Капиталните инвестиции се проектирани на 660 милиони евра. За покривање на долгот, планирани се околу 1,7 милијарди евра, од кои 950 милиони преку еврообврзница.