Бизнис

(Видео): Прераспределбата на буџетските средства е вообичаена пракса, рече министерката за финансии

Димитриеска-Кочоска рече дека дел од средствата од прераспределбата ќе бидат наменети за компанијата „Бехтел и Енка“ за изградба на инфраструктурните проекти. На прашањето дали прераспределбата се врши за исплата на наводно задоцнети средства за породолно отсуство, министерката негираше дека има информации за доцнење од два месеца.

2 минути за читање

Прераспределбата на средствата меѓу буџетските корисници е вообичаена пракса, вели министерката за финансии Гордана Димитриеска-Кочоска. Таа додава дека таа пракса се случува во континуитет. Ова е одговор на прашањата во врска со Одлуката за прераспределба на средствата помеѓу буџетските корисници на централната власт и фондовите, која денеска помина во Собрание.

Министерката посочи дека прераспределбата е резултат на увидот дека некои ставки нема да се реализираат до крајот на годината, додека други имаат потреба од дополнително финансирање. Таа нагласи дека ова не е исклучок, потсетувајќи дека претходниот министер имал две прераспределби на крајот на 2023 година, покрај ребалансот.

  • „Претходниот министер двапати имаше прераспределба во 2023 година на крајот од годината, две прераспределби покрај ребалансот. Значи, ова е вообичаена пракса којашто не е исклучок годинава“, рече Димитриеска-Кочоска.

Димитриеска-Кочоска потврди дека дел од средствата од прераспределбата ќе бидат наменети за компанијата „Бехтел и Енка“ за изградба на инфраструктурните проекти. На прашањето дали прераспределбата се врши за исплата на наводно задоцнети средства за породолно отсуство, министерката негираше дека има информации за доцнење од два месеца.

  • „Напротив, ФЗОМ секогаш дава приоритет на исплата на овие средства. Вие велите се доцни, јас немам таква информација. Треба да ги видиме оние другите коишто се во систем, па да видиме дали доцни или не. Така што не можам да се согласам со тој дел дека имаме задоцнување“, додава Димитриеска-Кочоска.

Таа додаде и дека средствата за пензии се земени од други стапки, а не од буџетот на Министерството за одбрана, каде што има прераспределба во рамките на нивниот постоечки буџет.

Министерката ја објасни и одлуката да продолжи стапката на ДДВ од пет проценти за становите, велејќи дека таа е донесена врз основа на направени анализи. Димитриеска-Кочоска информира дека интересот за Граѓанската обврзница е „многу поголем од тоа што ние го објавивме“, додавајќи дека се чека 10 декември за да се објави точниот износ, но дека ќе го прифатат целиот пројавен интерес.

Поврзани теми:

буџет|пари|ФЗОМ|финансии|исплата|приходи|Гордана Димитриеска Кочоска|топ|пензии|БДП

Повеќе на оваа тема:

Најнови вести од: Бизнис

Пратениците не изгласаа минималец од 600 евра, ќе се чека усогласување во март

Пратениците не изгласаа минимална плата од 600 евра. Не поминаа на пленарна седница во Собранието законските измени кои ги предложи СДСМ, со кои минималната плата од март требаше да порасне на 36.960 денари. Гласаа вкупно 82 пратеници, 63 беа „за“ да се прифати заклучокот на матичната комисија дека предлогот не е прифатлив, 19 беа против, немаше воздржани.

Нови 22 авиолинии низ Европа – стартуваат рутите за Неапол и Будимпешта од Скопје, по која цена?!

Новите авиолинии од Меѓународниот Аеродром Скопје ќе ги спојат сите вљубеници во патувањето со Неапол – градот на уметноста и гастрономијата, родното место на пицата и влезната порта за спектакуларното Амалфи крајбрежје и со Будимпешта – „Бисерот на Дунав“ со величествени мостови, термални бањи и архитектура што раскажува европска историја, истакнуваат од скопскиот аеродром.

АЛКАЛОИД со рекордни консолидирани продажби од 339,3 милиони евра, извоз од 221,6 милион евра и со консолидирана нето-добивка од 29,2 милиони евра во периодот јануари – декември 2025

Најголемата фармацевтска компанија во земјава „Алкалоид“ АД Скопје ги објави финансиските резултати за работењето минатата година

Предлог-законот за минималната плата не ја помина матичната собраниска комисија

Законските измени за раст на минималната плата на 600 евра, кој ги предложи СДСМ не поминаа на матичната Комисија за економски прашања, труд и енергетска политика, ниту на законодавно – правната. Не помина ниту предлогот за трипартитен дијалог, односно јавна расправа пред пратениците во Собранието меѓу работодавачите, синдикатите и Владата.

Почнува процесот за враќање на парите од солидарниот данок

Компаниите од кои државата наплати солидарен данок во време на криза, веќе идниот месец ќе ја добијат првата рата од повратот на средствата. Претходно треба да поднесат барање за поврат до Управата за јавни приходи. Од Министерството за финансии информираат дека постапката официјално е почната.

(Видео): Значително зголемен интерес за СЕПА-плаќањата од страна на компаниите и граѓаните

Граѓаните умерено предничат во однос на компаниите во користењето на услугите преку СЕПА, при што над 60% од нивните плаќања во евра се извршуваат преку СЕПА. Кај бизнис-секторот, најмногу ги користат извозно-увозните компании коишто имаат редовни трансакции со партнери во Европската Унија. Речиси половината од плаќањата во евра на домашните компании кон земјите членки на СЕПА веќе се вршат преку СЕПА.

Европскиот парламент сака пауза во спроведувањето на трговскиот договор со САД

Европската комисија побара објаснувања од Вашингтон. Врховниот суд на САД, претходно, го прогласи поголемиот дел од царините воведени од Трамп за незаконски. Трамп, сепак, најави нови вонредни царини. Тој во петокот зборуваше за десет проценти царини на стоки од целиот свет, а во саботата за 15 проценти.

(Видео): Се создаваат услови знаењето да се претвори во иновации и работни места, вели премиерот

Со формирањето на Советот за иновации, научно-технолошки развој и претприемништво, Владата најавува засилен фокус кон економијата базирана на знаење и иновации. На конститутивната седница, премиерот Христијан Мицкоски изјави дека Советот ќе биде инструмент на стратешка промена, преку кој науката, истражувањето и дигитализацијата ќе станат двигатели на економскиот раст.
Сите вести од Бизнис

Најнови вести

To top