Бизнис

Во јануари 2026. ќе се издаде еврообврзницата, планирано е да се соберат 950 милиони евра

Министерката за финансии вели дека е планирано преку издавањето на новата еврообврзница да се обезбедат околу 950 милиони евра, од кои 700 милиони евра ќе бидат наменети за рефинансирање на еврооврзницата издадена во 2020-та, додека преостанатите 250 милиони евра ќе бидат искористени за буџетско финансирање, како и секоја година.

3 минути за читање

Министерството за финансии планира да издаде еврообврзница на меѓународниот пазар во текот на јануари 2026 година. Министерката за финансии, Гордана Димитриеска-Кочоска, вели дека е планирано преку издавањето на новата еврообврзница да се обезбедат околу 950 милиони евра, од кои 700 милиони евра ќе бидат наменети за рефинансирање на еврооврзницата издадена во 2020 година, додека преостанатите 250 милиони евра ќе бидат искористени за буџетско финансирање, како и секоја година.

Министерството за финансии и Владата нема да отстапат од предвидените проекции во Фискалната стратегија и Стратегијата за управување со државниот долг. Најавеното задолжување на интернационалниот пазар преку емисија на нова еврообврзница е внимателно испланирано и е во рамките на поставените цели за одржување на стабилноста на јавниот долг, навремено подмирување на обврските и обезбедување на финансиски средства за буџетски потреби, изјави министерката за финансии Димитриеска-Кочоска.

Таа, во гостување на ТВ 21, нагласи дека нивната цел е да настапат на светските пазари и да ја издадат еврообврзницата во најсоодветен момент.

  • “Во таа насока, за време на престојот во САД, на есенските средби на Светска банка и ММФ, имам договорено средби со потенцијални инвеститори”, рече таа. “Можам да истакнам дека ова е една од приоритетните активности на Министерството за финансии во моментот”, подвлече министерката за финансии.

Димитриеска-Кочоска додаде дека процедурата за издавање на еврообврзницата е веќе иницирана и дека планот е да се појават на меѓународниот пазар во јануари и да се емитува еврообврзницата.

  • “Планирано е да се обезбедат 950 милиони евра преку издавање нова еврообврзница. Од тоа 700 милиони евра ќе бидат наменети за рефинансирање на Еврооврзницата издадена во 2020 година, додека преостанатите 250 милиони евра ќе бидат искористени за буџетско финансирање, како и секоја година. Односно, планирано е буџетскиот дефицит да се финансира делумно преку домашниот пазар, а делумно преку надворешно финансирање, односно со издавање еврообврзница”, објасни министерката.

Осврнувајќи се на планираните проекции на нивото на јавниот долг согласно Стратегијата, таа посочи дека Владата нема намера да ги промени плановите предвидени со Фискалната стратегија, но дека секако треба да се земе предвид како ќе се одвиваат работите во иднина.

“Заклучно со јуни 2025 година јавниот долг е на ниво од 58,5% од БДП, најновиот податок кој го имаме во Министерството за финансии заклучно со јули покажува ниво од 58,7% од БДП. Доколку продолжиме со ваквата динамика и доколку економијата се одвива според очекувањата, можно е во 2025 година да не го достигнеме проектираниот јавен долг од 62,1%, туку тој да биде и понизок”, заклучи Димитриеска-Кочоска.

Во март 2021 беше земена осмата еврообврзница од 700 милиони евра, со рок од седум години и камата од 1,625 проценти. Деветтата еврообврзница беше издадена во февруари 2023 година, на износ од 600 милиони евра.

Поврзани теми:

влада|БДП|раст|пари|компании|финансии|еврообврзница|стратегија|топ

Повеќе на оваа тема:

Најнови вести од: Бизнис

Ново поскапување на храната и раст на трошоците за живот – народот нема пари, обвини СДСМ

Од СДСМ посочуваат дека растот на платите не е доволен за да го следи поскапувањето, а дополнителен проблем е и немањето нови мерки од страна на Владата за заштита на стандардот на граѓаните. Според опозицијата, секојдневните трошоци како храната, сметките и превозот стануваат сè поголем товар за семејните буџети. Тие алармираат дека синдикалната потрошувачка кошничка континуирано расте, додека реалната куповна моќ на граѓаните опаѓа.

Ако храната поскапува, Владата најави мерки за граѓаните полесно да го поминат месецот

Будно ја следиме состојбата и се разбира дека разгледуваме мерки што ќе бидат во корист на граѓаните – порача премиерот Христијан Мицкоски одговорајќи на новинарско прашање дали ќе бидат донесени нови економски таргет-мерки имајќи ја предвид стапката на инфлација. Мицкоски појасни дека просечната инфлација е под 4,5 во првите четири месеци и, како што рече, „е една од најниските, ако не и најниска во регионот“.

Ветерниот парк во Штип е инвестиција од 400 милиони евра, најавува премиерот

Расположливиот потенцијал на Црна Река досега е искористен само со изградбата на високата брана „Тиквеш“, а тоа е всушност долниот дел од клисурниот потег на Црна Река. Спротиводните акумулации „Галиште“ и „Чебрен“ имаат исклучиво енергетско значење, со услови за формирање на големи акумулации, (особено акумулацијата „Чебрен“ ) и за израмнување на протечните води на Црна Река, сè со цел нивно целосно искористување.

ММФ со позитивна оценка за македонската економија – раст, стабилност и намален долг

ММФ оценува дека финансискиот систем и натаму е стабилен, а банкарскиот сектор е добро капитализиран и високо ликвиден. Според извештајот, стапката на адекватност на капиталот изнесува 19,4%, значително над регулаторните барања, додека учеството на нефункционалните кредити е намалено на историски најниското ниво од 1,9%. Ликвидноста и профитабилноста на банкарскиот систем и натаму се силни, со што дополнително се потврдува неговата отпорност.

(Фото): Доделени наградите „Предводници на одржливиот развој” на Бизнис форумот за одржливост

Клубот на одговорни бизниси на Конект претставува уникатна платформа што им овозможува на компаниите да работат заедно со граѓанскиот сектор и институциите на заедничко креирање практични решенија на најголемите општествени предизвици. Клубот на одговорни бизниси е поддржан од 36 извршни директори на најактивните компании кои разбираат дека одговорноста и одржливоста е составен дел на бизнисот.

(Видео): Владата ќе направи сé што може да им помогне на бизнисите чие производство е наменето за извоз

Владата ќе даде максимална поддршка за бизнисите чие производство е наменето за извоз, порача премиерот Христијан Мицкоски за време на денешната посета на компанијата „Макпрогрес“ од Виница. Изразувајќи силно импресионирање од развојниот пат на компанијата, Мицкоски истакна дека овој некогаш скромен семеен бизнис денес прераснува во регионален гигант и еден од столбовите на домашната економија.

Николоски: Околу 103 километри патишта досега се рехабилитирани, целосно обновени, новоизградени или се во фаза на изградба

Се купуваат 49 возила од различен тип, кои треба да му помогнат на Град Скопје и на другите општини за подобрување на состојбата со хигиената
Сите вести од Бизнис

Најнови вести

To top