Во акциите на сообраќајната полиција, во изминатите два дена викенд, биле лишени од слобода 42 лица поради безобѕирно управување со возило.
Од нив, осум возеле под дејство на алкохол, 20 управувале без возачка дозвола, а едно лице седнало зад волан и покрај претходно изречена забрана.
Полицијата одзела и 13 возила согласно Кривичниот законик.
Покрај тоа, евидентирани се 173 прекршоци за неправилно паркирање, како и 40 санкции за возење под дејство на алкохол.
Уште 112 учесници во сообраќајот биле санкционирани затоа што не користеле сигурносен појас. Од сообраќај биле отстранети и 20 нерегистрирани возила, како и четири поради техничка неисправност.
Од полицијата најавуваат дека засилените контроли ќе продолжат и во наредните денови со цел да се намали бројот на сообраќајни несреќи и да се зголеми безбедноста на патиштата.