Муцунски: Доверливоста на ЕУ зависи од доследноста кон своите принципи и ветувања, а проширувањето мора да биде според заслуги и објективни критериуми
Министерот за надворешни работи и надворешна трговија Тимчо Муцунски во рамки на работната посета на Ирска, имаше обраќање во Институтот за меѓународни и европски работи IIEA, каде што говореше за европската интеграција, политиката на проширување на Европската Унија и иднината на Западен Балкан. „Потенцирав дека проширувањето мора да остане процес заснован на заслуги, јасни правила и објективни критериуми. Кредибилитетот на Европската Унија зависи од нејзината способност да остане доследна на принципите и ветувањата врз кои е изградена“, објави Муцунски на Фејсбук.