Македонија

Акредитирана лабораторија на ФЕИТ: Со грант од МААЕ ќе се мониторираат 550 здравствени работници

Оваа посета и донацијата од МААЕ претставуваат важен чекор во зајакнувањето на националните капацитети за заштита од јонизирачко зрачење, особено во здравствениот сектор каде што употребата на рендгенски апарати, радиотерапија и други извори на зрачење е секојдневна.

2 минути за читање

Министерот за здравство, Азир Алиу, денеска ја посети Лабораторијата за радијациска физика при Факултетот за електротехника и информациски технологии (ФЕИТ) при Универзитетот „Св. Кирил и Методиј“ (УКИМ) во Скопје.

Оваа лабораторија е акредитирана според меѓународните стандарди за квалитет и поседува две клучни акредитации: една за детекција на храна и материјали третирани со јонизирачко зрачење, како и акредитација за персонален дозиметриски мониторинг на лица професионално изложени на јонизирачко зрачење. Мониторингот се спроведува врз здравствени работници вклучени во законските програми за заштита од радијација.

„Лабораторијата за радијациска физика е доопремена со нова опрема, добиена како грант од Меѓународната агенција за атомска енергија (МААЕ). Оваа опрема ќе овозможи поквалитетен дозиметриски мониторинг и значително проширување на бројот на медицински лица опфатени со законската програма. Во нашата држава постојат само три акредитирани лаборатории за персонален дозиметриски мониторинг, меѓу кои Институтот за јавно здравје и лабораторијата при ФЕИТ. Ова е пример како преку меѓународни фондови и поддршка од државата можат да се развиваат капацитетите на универзитетите – и во научно-истражувачката и во апликативната дејност“, истакна министерот Алиу.

Деканот на ФЕИТ, проф. д-р Владимир Атанасовски, нагласи дека факултетот денес претставува водечка институција во државата во развојот на научно-истражувачка инфраструктура и експертиза во повеќе технолошки области.

„Нашата цел е преку ваквата инфраструктура да придонесеме за едукација на висококвалификувани кадри и за поддршка на здравствениот систем, особено во областа на радијациската заштита и медицинската физика“, посочи проф. д-р Атанасовски.

Проф. д-р Христина Спасевска, раководител на Лабораторијата за радијациска физика при ФЕИТ, информираше дека во моментов лабораторијата врши дозиметриски мониторинг на 168 здравствени работници, додека во постапка е ангажирањето за уште 207 лица. Со новата опрема од МААЕ, капацитетот ќе се зголеми на околу 550 здравствени работници, со што лабораторијата ќе стане значаен фактор за обезбедување на радијациската безбедност во медицинската практика.

Оваа посета и донацијата од МААЕ претставуваат важен чекор во зајакнувањето на националните капацитети за заштита од јонизирачко зрачење, особено во здравствениот сектор каде што употребата на рендгенски апарати, радиотерапија и други извори на зрачење е секојдневна.

Поврзани теми:

Азир Алиу|ФЕИТ|МААЕ|актуелно|министер за здравство

Повеќе на оваа тема:

Најнови вести од: Македонија

Владата очекува горивата да поевтинат за 1,5 денар за литар

Согласно пресметките, се очекува дека Регулаторна комисија за енергетика ќе донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар, соопшти Владата.

„Н.М“: Секоја грчка влада го попречуваше македонскиот пат кон ЕУ, давајќи пример како се тргува со европските вредности! – Сега тоа го прави Бугарија!

„Кога во јуни 2003 година на самитот на ЕУ и Западниот Балкан беше усвоена ‘Солунската агенда’, никој не претпоставуваше дека токму на тој собир, наместо отворање на вратите, ќе биде запечатена европската судбина на земјите од регионот. Освен Бугарија и Романија, кои влегоа со политичка одлука во 2007 година, како и Хрватска, која послужи како доказ дека процесот е наводно жив, ниедна друга земја не стана дел од ЕУ безмалку 20 години. Значителен дел од вината за оваа непроменета ситуација ја сносат токму создавачите на ‘Солунската агенда’. Грција со години ја блокираше Македонија, користејќи го спорот за името како инструмент за кочење, со што на другите членки на ЕУ им го ‘сервираше’ најопасното оружје: ветото како алатка за билатерални уцени. Сега, повторно официјална Атина се повикува на ‘Солунската агенда’“, обидувајќи се да се наметне како лидер на процесот што самата го минираше.“ – ова се нагласува во анализата со наслов „Оригиналниот ‘тројански коњ’ во евроинтеграциите е всушност – грчкиот“.

Скопскиот аеродром лидер во регионот со раст од 32%, од Владата очекуваат над 3,5 милиони патници годинава

Вицепремиерот вели дека оваа година се очекува да се надмине бројот од 3,5 милиони патници, а во следната година да достигне и до 4 милиони патници, што е резултат на актуелниот модел на привлекување на авиолинии.

„Вреди“: Џабе се „крокодилските солзи“, Џафери го запечати исклучувањето на албанскиот јазик од правосудниот испит! – Ќе го решиме проблемот

„ДУИ, која повеќе од 20 години имаше 5 министри за правда од своите редови, никогаш не го реши овој проблем: го изгласаа Законот за правосудниот испит, оставајќи денес стотици албански студенти да ги трпат последиците од една двојна неправда. Документот од 27 август 2019 година, потпишан од Талат Џафери, е јасен доказ дека проблемот околу полагањето на правосудниот испит не е случајност, туку последица на негрижа и политичко предавство.“ – соопшти коалицијата Вреди.

На денешен ден фашистичка Бугарија ја окупира Македонија, а денес и лидерот на Костадинов од „Преродба“ ја повторува истата теза од 1941 за „Македонија – втора бугарска држава на Балканот“!

На денешен ден, на 18 април 1941 година Бугарија со „благослов“ од фашистичкиот водач на Германија Адолф Хитлер Хитлер ја започна окупацијата на Македонија! На овој датум со одборение на Хитлеровата врховна команда единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија. Бугарија настојува овој настан од нејзината историја наместо фашистичка окупација да го прикаже како „администрирање со Македонија“. Дали е случајно, или не, тоа што Костадин Костадинов, лидерот на бугарската крајнодесничарска партија „Преродба“ (Възраждане) вчера, на 17 април 2026 година, на еден ден пред 85-тата годишнина од почетокот на бугарската фашистичка окупација на Македонија, ја означи Македонија како „втора бугарска држава“ на Балканот, изнесувајќи ја заложбата на неговата партија за „интеграција на двете бугарски државни формации во една“?! Костадинов во предизборната програма негова и на неговата партија активно ја промовира скандалозната идеја за „обединување на Бугарија и Македонија“ – истата цел, поради која и Бугарија во Вората светска војна како фашистичка држава – членка на Хитлеровата нацистичка коалиција влегува на територијата на Македонија и ја окупира, под изговор дека „доаѓа да ја ослободи и да ја обедини кон мајка Бугарија“!

.

„Плус инфо“: Филипче е пак „уфилман“, го следел „приватен Мосад“! СДСМ тврди дека ВМРО-ДПМНЕ „ангажирала разузнавачка компанија за следење на опозицијата“!

„Станува збор за Black Cube, израелска приватна разузнавачка компанија, позната по следење, собирање информации, провокации и фабрикување афери против политички цели.“ – тврди СДСМ.
Сите вести од Македонија

Најнови вести

To top