Претседателот на Европскиот совет, Антонио Кошта, ќе допатува во посета на земјите од Западен Балкан следната недела (1-5 јуни) за да се сретне со лидерите од регионот и да биде копретседател на Самитот ЕУ-Западен Балкан што ќе се одржи во Тиват, Црна Гора, на 5 јуни.
Претседателот на ЕС, Кошта ќе разговара за можностите и предизвиците околу проширувањето, постепената интеграција, регионалната соработка, безбедноста и стабилноста.
„Мојата втора турнеја на Западен Балкан испраќа јасен сигнал: посветеноста на ЕУ кон регионот е реална; исто толку реална колку и можноста за проширување. Моментумот е тука. Сега е време да се испорачаат резултати“, изјави Кошта.
Тој ќе ги посети шесте партнери од Западен Балкан, почнувајќи од Сараево во понеделник, 1 јуни.
Во вторник 2 јуни, претседателот Кошта ќе биде во Тирана, а потоа ќе го посети Скопје кога е предвидена средба со македонскиот премиер Хрстијан Мицкоски.
Во среда, 3 јуни, тој ќе оди во Приштина, додека во четврток, 4 јуни, претседателот Кошта ќе го посети Белград.
Турнејата ќе заврши во Црна Гора.