Уште еден вознемирувачки напад врз бугарски државјанин во Македонија.
Вака бугарскиот европратеник Андреј Ковачев застана во одбрана на ,,бугарската гражданка” Данела Арсовска.
,,Сериозно сум загрижен од она што се случи денес со градоначалничката на градоначалничката на град Скопје г-ѓа Данела Арсовска – бугарска државјанка. Ги повикувам Министерството за надворешни работи и бугарската амбасада во Скопјe веднаш да ѝ обезбедат правна, конзуларна и морална заштита.
Ова е уште еден случај на насилство, малтретирање и јавно линчување врз бугарски државјани кои држат високи јавни функции и стекнале бугарско државјанство врз основа на докажано бугарско потекло – само затоа што се осмелиле да се изјаснат како Бугари.
За жал, притисокот е толку силен што нашите сонародници се принудени да го кријат или негираат својот бугарски идентитет”, вели Ковачев во изјавата.
Според него бугарската држава има должност кон своите над 216.000 бугарски државјани во Република Македонија, кои станале такви по своја слободна волја, го докажале своето бугарско потекло со документи и со свој ракопис изјавиле дека сега се чувствуваат етнички Бугари. Бугарија е должна да ги заштити нивните права, безбедност и човеково достоинство, вели Ковачев кој е европратеник од редовите на владеачката партија ГЕРБ на Бојко Борисов.