Македонија

ЦУК: Активни шест пожари, други пет се под контрола

Во изминатото деноноќие успешно се дејствувало и биле изгасната 27 пожари

Центарот за управување со кризи (ЦУК) утрово соопшти дека се“ уште се активни пожарите во село Нивичино, Мал Готен и Малешевските планини во општините Василево, Радовиш и Берово, каде гори нискостеблеста шума, смрека, грмушки и ниска вегетација.

Во Општина Македонски Брод, во селото Грешница гори мешана шума и сува трева, помеѓу селата Локвица и Крапа гори деградирана дабова шума, грмушки и ниска вегетација во село Латово, кај месност Маркова Стапалка горат грмушки и сува трева.

Во Општина Прилеп активни се пожарите во село Штавица кон селата Чумово, Волково и Прилепец, каде гори ниска вегетација и деградирана шума, а во Општина Желино пожар има помеѓу селата Церово и Групчин, каде гори нискостеблеста и деградирана шума.

Под контрола се пожарите во Општина Ресен поточно во село Шурленци до село Езерани, во Општина Дојран кај село Николиќ, во Општина Велес кај селата Џидимирци, Крушје и Иванковци, во Општина Гостивар кај село Симница и во Општина Прилеп, помеѓу селата Царевиќ и Смолани, месност Радобилски рид.

Како што соопшти утрово Центарот за управување со кризи, изгаснати се вкупно 27 пожари.

Најнови вести од: Македонија

Премиерот Мицкоски денес во ОУ „Кирил Пејчиновиќ“ во Кисела Вода по повод почетокот на новата учебна година

Во ова и сите други основни и средни училишта во Република Македонија денес, на 1 септември 2025 година започнува новата учебна 2025/2026 година за 245 илјади ученици, односно 177.800 основци и 67.200 средношколци.

Над 50 пријави поради невремето во Скопје – паднати дрвја, покриви, бандери, кабли

До ЦУК имало 50 пријави од граѓани за над 30 паднати дрвја, од кои дел паднале и врз возила, куќи, делови од згради. Сите пријави се проследени до надлежните служби, кои интервенираат по приоритет за надминување на последиците од невремето.

Според анкетите убедливо водство на еден од кандидатите за градоначалник во општина Чаир

Според последните анкети за јавното мислење, Изет Меџити, кандидат на коалицијата ВРЕДИ, е водечки фаворит за градоначалник на општина Чаир во пресрет на локалните избори.

To top