Македонија

Дали навистина Али Ахмети „сериозно размислува да се повлече од политиката по вториот круг на изборите“, или сѐ ќе стори да го одложи „политичкото пензионирање“?!

Веќе денешната седница на Централното претседателство на ДУИ, која ја свика Ахмети, ќе покаже во која насока ќе се движат неговите натамошни потези, откако тој и ДУИ доживеаја тежок пораз во првиот круг на локалните избори: дали конечно ќе го прифати „решението“ за „заминување во политичка пензија“, кое му го „напишаа“ гласачите-Албанци во Македонија на 19 октомври, или ќе се обиде да остане барем уште некое време на политичката сцена?

2 минути за читање

„Претседателот на ДУИ Али Ахмети, сериозно размислува да се повлече од политиката и е блиску до таквата одлука.“ – објави вчера информативниот портал на албански јазик „Фол“ во својата информација со наслов „Ексклузивно: Али Ахмети се повлекува од политиката по вториот круг?!“

Натаму порталот пишува: Извори во ДУИ укажуваат дека тој веќе им ја соопштил оваа одлука на некои од неговите најблиски соработници, додека се консултирал и со партнери од Албанија и Косово. Се очекува оваа одлука да биде јавно објавена по вториот круг од изборите, за да не им се наштети на кандидатите на Националната алијанса за интеграција, кои се натпреваруваат во вториот круг.

Ахмети не даде никаква јавна изјава ниту во медиумите ниту на општествените мрежи по локалните избори на 19 октомври, на кои Националната алијанса за интеграција на ДУИи Ахмети победи само во Липково и во Пласница. – објави „Фол“.

Наспроти ваквите сознанија на „Фол“ стои веста на информативниот портал на албански јазик „Тетова сот“, блиска до ДУИ, која во текстот со индикативен наслов „ДУИ се мобилизира / Али Ахмети го свика централното претседателство“, објави: Претседателот на Демократската унија за интеграција Али Ахмети свика состанок на централното претседателство на партијата, кој ќе се одржи денес, на 24 октомври 2025 година со почеток во 13 часот и 30 минути во седиштето на ДУИ во Тетово.

Овој портал дополнува во веста: Се очекува да се расправа за актуелни политички и организациски прашања, како и за најнови случувања партијата и надвор од неа.

Значи, веќе денес попладнето ќе се знае дали навистина Али Ахмети „сериозно размислува да се повлече од политиката по вториот круг на изборите“, или „ќе ја мобилизира ДУИ“ во обид да стори сѐ, со цел да го одложи своето „политичкото пензионирање“?! Деновиве Али Ахмети е изложен на жестоки критики од политичари-Албанци не само од редовите на коалицијата Вреди во Македонија, туку и од Балканот, како и од независни политички аналитичари од албанскиот етникум од Балканот.

 

Поврзани теми:

Национална алијанса за интеграција|политичко пензионирање|„повлекување од политиката“|топ|актуелно|ДУИ|али ахмети

Повеќе на оваа тема:

Најнови вести од: Македонија

(Фото галерија): Скопје наскоро ќе добие нов мултифункционален комплекс ТРИАНГЛА, современо место за уживање

Лоциран во општина Гази Баба, со влез на булеварот „Александар Македонски“, комплексот претставува нов современ концепт на малопродажен парк во источниот дел на Скопје. Инспириран од европските модели на отворени трговски комплекси, хотелиерство и урбани содржини за секојдневно уживање, проектот има цел да создаде нова значајна градска дестинација за жителите на Скопје и посетителите од регионот.

Никола Петров Русински: Македонија не е српска, ниту грчка, ниту бугарска! – Македонија е на Македонците!

„Македонија не е ниту српска, ниту грчка, ниту бугарска, ниту турска! Македонија е на Македонците!“ – порачал во почетокот на јули 1901 година Никола Петров Русински, кој во македонската национална историја останува запаметен како близок соработник на Гоце Делчев, Васил Главинов и на други истакнати македонски револуционери, но и како еден од основачите на четничкиот институт на Македонската револуционерна организација (МРО). Целиот живот го посветил на идејата „Македонија за Македонците“. Русински бескрајно многу ја сакал својата татковина, велел дека за него „цела Македонија му била роден крај“. Денес се навршуваат 83 години од неговата смрт.

Рама: „Мајката“ Урсула да не ги заборави своите „седум деца“ од Западниот Балкан! Неодржливо е да не сме на масата каде што се одлучува!

Европа денес има потреба од Западен Балкан колку што и ние имаме потреба од неа, а можеби и повеќе. Нашиот регион е во многу подобра позиција отколку пред неколку години и време е политички да стане дел од европското семејство, изјави албанскиот премиер Еди Рама во интервју за „Еуроњуз Србија“. Тој смета дека земјите од Западен Балкан повеќе не треба да бидат оставени настрана од европските процеси.

Летови со владин авион, хотелски трошоци и спорни набавки – ексдиректорот на СОЗР заработи кривична

За приватни потреби и без да постои основ го користел владиниот авион Лирџет 60, а при патувањата од сметката на СОЗР се вршени плаќања по разни основи. Освен тоа, за хотелски и угостителски услуги обвинетиот неосновано користел средства од службената картичка издадена на негово име

Осуденици ќе чистат од денес седум дена магистрални и регионални патишта – под постојан надѕор на затворската полиција!

Акцијата се реализира во соработка меѓу Управата за извршување на санкциите и ЈП „Македонија Пат“, согласно потпишаниот Меморандум за соработка за работно ангажирање на осудени лица.
Од денеска започна седумдневна работна акција за одржување на хигиената на магистралните и регионалните патишта низ државата, која ќе трае до 22 јули 2026 година.

Мицкоски: Владата има мандат до пролетта 2028, но подготвени сме да одговориме, ако бидеме предизвикани на предвремени избори

Премиерот Христијан Мицкоски го коментираше наметнувањето на темата за предвремени парламентарни избори од страна на опозицијата. „Опозицијата е оптоварена и тоа е нивен најголем проблем. Оваа Влада има мандат до пролетта 2028 година. Ние сме насочени на тој мандат, да го спроведеме она, што го очекуваат граѓаните го очекуваат од нас. Но, ако бидеме предизвикани, подготвени сме да одговориме на тој предизвик.“ – посочи Мицкоски.

„Ние ќе победиме!“ – извикот на Вера Трена кон бугарските окупатори пред да се самоубие на 15.7.1944, положувајќи го животот во темелите на македонската држава

„Ние ќе победиме! Ние ќе победиме!“ – ова биле последните, претсмртни зборови на големата македонска хероина Вера Циривири-Трена, кои ги извикала со силен глас кон бугарските полицајци ноќта на 14-ти спроти 15-ти јули 1944 година, бегајќи од нив меѓу куќите во Штип.  Во моментот кога го прескокнувала ѕидот на оградата од некоја куќа, паднала погодена од куршум на полициските агенти. За да не им падне жива во рацете, Трена се самоубива со својот пиштол. Своите само 24 проживеани години Трена ги даде во борбата против бугарските фашистички окупатори, вградувајќи ги во темелите на македонската држава.
Сите вести од Македонија

Најнови вести

To top