На дневен ред на денешната 75 седница на Собранието најавен е избор на новите министри за европски прашања и животна средина.
Како прва точка на дневниот ред е Предлогот за разрешување на Орхан Муртезани од министерската функција во Министерството за европски прашања.
За нов вицепремиер и министер за европски прашања е предложен сегашниот пратеник и поранешен министер за здравство Беким Сали.
За нов министер за животна средина од страна на Владата предложен е поранешниот владин портпарол Муамет Хоџа.
Изборот на новите членови на Владата дојде по локалните избори одржани во октомври откако Изет Меџити стапи на градоначалничката функција во Општина Чаир, кој ги извршуваше функциите прв вицепремиер и министер за животна средина и просторно планирање.