Македонија

Џорџа Мелони користи термин што го користи и претседателката Сиљановска Давкова

Подолго време Гордана Сиљановска Давкова зборува за реунификација на Македонија и Западниот Балкан а не за ново поврзување на регионот со ЕУ

2 минути за читање

Италијанската премиерка Џорџа Мелони користи ист термин што за влезот на Македонија и регионот во ЕУ подолго време го користи и претседателката Сиљановска Давкова.

 

Влезот и пристапувањето на Македонија и земјите од Западен Балкан за двете политичарки е процес на реунификација.

 

,,Процесот на пристапување на Балканот кон Европската Унија, „што јас го нарекувам повторно обединување на ЕУ“, е „клучен, особено во сложеното време во кое живееме”, изјави премиерката Џорџија Мелони по средбата со австрискиот канцелар Кристијан Штокер во седиштето на италијанската влада во Рим, Палацо Киги.

 

Мислам дека Европа мора да забрза со давање конкретни сигнали до нациите кои прават сѐ што можат за да бидат дел од нашето семејство, смета италијанската премиерка која засега молчи за бугарската блокада за Македонија.

 

Уште од нејзината прва кампања за претседател во 2019 година претседателката  Гордана Сиљановска Давкова зборува за реунификација на Македонија и Западниот Балкан а не за ново поврзување на регионот со ЕУ.

Реунификација или повторното обединување генерално се однесува на процесот на спојување на делови од нешто, особено земја или семејство, кои претходно биле разделени. Исто така, може да значи и чин на повторно обединување по период на разделба или конфликт. Примерите вклучуваат обединување на Германија или обединување на семејства за миграциски цели.

 

Терминот реунификација или повторно обединување често се користи за да се опише спојувањето на две или повеќе територии во еден политички ентитет, како што е обединувањето на Германија по падот на Берлинскиот ѕид.

Може да се однесува и на процесот на повторно обединување на членовите на семејството, особено кога тие биле разделени поради миграција, раселување или други околности.

Иако е поретко, реунификација може да се примени и во други ситуации каде што работите се обединуваат по период на разделба, како на пример во контекст на благосостојбата на децата каде што детето се обединува со своето семејство откако било под грижа.

Поврзани теми:

топ|Гордана Сиљановска Давкова|Џорџа Мелони|Гордана Сиљановска|реунификација

Повеќе на оваа тема:

Најнови вести од: Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.
Сите вести од Македонија

Најнови вести

To top