Претседателот на СДСМ, Венко Филипче, на свечениот настан по повод 35 години независност на Македонија, во Македонската филхармонија изјави дека „држава не се води со навредена суета и лажен патриотизам, туку со резултати, одговорност и носење тешки, историски оправдани одлуки“.
Како што рече „може да ни се допаѓа таа реалност. Може да бидеме лути поради неа. Можеме да сметаме дека Европа кон Македонија е неправедна. Но, одговорноста на политичарите е да најдат решенија, а не да се смета за успех да се стои во место со децении“
Според него, државата не се води со навредена суета туку се води со резултати и саможртви, со носење на непопуларни одлуки, но историски оправдани.
„Признанието за таквите тешки одлуки доаѓа многу подоцна. Само идните непристрасни генерации можат правилно да оценат колкава е цената на прифатените компромиси, а колкава е загубата од бескомпромисноста и изгубените децении на побрз сестран развој“- смета лидерот на СДСМ.
