„Откриен е посебен детал во врска со официјалната фејсбук-страница на Бајрам Реџепи, кандидатот за градоначалник на Тетово од Националната алијанса за интеграција Бајрам Реџепи. Според официјалните податоци од медиумската платформа ‘Мета’, во делот за транспарентност на страницата, се покажува дека таа е управувана од пет лица, од кои четири се наоѓаат во С.Македонија, а едно во Албанија“ – објави информативниот портал на албански јазик „Фол“ во својата информација со наслов „Ексклузивно / Откриено е дека Артан Груби од Албанија управува со официјалната веб-страница на Бајрам Реџепи“.
Натаму порталот наведува: Оваа информација отвори бројни дискусии во јавното мислење, бидејќи, според неофицијални извори, лицето кое ја управува страницата од територијата на Албанија се сомнева дека е Артан Груби, добро позната политичка личност во регионот. Според документот, објавен во делот „Транспарентност на страницата“, фејсбук точно ги прикажува локациите на администраторите на јавните страници, со што се зголемува нивото на одговорност за споделената содржина.
Во моментов ниту Бајрам Реџепи ниту Артан Груби официјално не реагирале на ова откритие. Сепак, се очекува дека во наредните денови ќе има повеќе појаснувања во врска со вмешаноста на администратори од странство во управувањето со страниците на политичарите во Македонија. – пишува „Фол“.