Македонија

Илија Андовски привремен администратор на „Алта банка“ АД Битола

Тројца вработени во Народната банка – Илија Андовски, Весна Стојчевска и Марија Тодоровска, се именувани за администратори во „Алта банка“ АД Битола, со што управувањето со банката преминува во рацете на централната банка. Андовски е посебно овластен да ги потпишува одлуките што ќе се носат во периодот на привремената администрација.

Администраторите ги преземаат надлежностите на управните органи на Алта Банка. Со решение на Извршниот одбор на Народната банка, објавено во „Службен весник“ на 1 ноември, се воведува администрација врз „Алта банка“ АД Битола од страна на Централната банка, поради околности кои, како што се наведува во решението, можат сериозно да ја загрозат нејзината солвентност. Тројца вработени во Народната банка – Илија Андовски, Весна Стојчевска и Марија Тодоровска, се именувани за администратори во „Алта банка“ АД Битола, со што практично управувањето со банката преминува во рацете на централната банка. Тројцата администратори имаат еднакви овластувања, но решението предвидува Илија Андовски да биде лицето кое ќе ги потпишува одлуките донесени во рамките на администрацијата.

Илија Андовски е долгогодишен кадар на Народната банка и банкарски експерт. Според податоци за вработените во Народната банка од мај 2025 година, тој бил директор на Дирекцијата за вонтеренска супервизија и лиценцирање. Со именувањето на администраторите, досегашните органи на управување и надзор во банката ги губат своите надлежности во корист на лицата назначени од Народната банка. Администраторите ги преземаат овластувањата на Управниот одбор, Надзорниот одбор, како и на Собранието на акционери, со исклучок на одлучувањето за зголемување на капиталот на банката.

Решението предвидува и можност за вклучување на Министерството за внатрешни работи, односно полицијата, доколку администраторите бидат спречени да влезат во деловните простории или доколку некој го попречува извршувањето на нивните надлежности. Една од првите обврски на тројцата администратори ќе биде да ја утврдат целокупната состојба во „Алта банка“. За тоа имаат рок од 21 ден од денот на нивното именување, по што треба да достават извештај до Извршниот одбор на Народната банка.

Администрацијата е воведена за период од три месеци, сметано од денот кога решението ќе ѝ биде доставено на банката. Во текот на овој период, администраторите ќе мора да работат според законите и писмените упатства и насоки на Извршниот одбор на Народната банка.

Претходмо, гувернерот Трајко Славески рече дека тим од седуммина врабоотени е одреден за работењето на Алта банка Битола и дека сопственикот од Белград бил известен да ги стави акциите на продажба или во спротивно централната банка ќе ги понуди на аукција, сметајќи дека има заинтересирани лица за купување.

Најнови вести од: Македонија

Сашко Кедев влезе во Гинис како најстариот алпинист во светот кој ги искачил сите 14 врвови над 8.000 метри

Кедев, на доделувањето на наградата, порача дека освојувањето на 14-те највисоки врвови во светот го смета за национален успех којшто го посвети на сите Македонци

Запалени повеќе контејнери во Ново Лисиче – градоначалникот Ѓорѓиевски бара итна истрага

Скопје нема да биде заложник на вандали, барам итна реакција од МВР. Во услови кога набавивме 3.300 нови контејнери и го решивме проблемот со сметот, очигледно дека на некој не му одговара чисто Скопје и развојот на градот

Манасиевски: Филипче и СДС да кажат дали Мацура бил криминалец со сомнителен капитал кога со ДУИ овозможиле влез на Алта банка во Македонија

Портпаролот на ВМРО ДПМНЕ Валентин Манасиевски истакнува: Фирмата на сватот на Ахмети, според јавно достапни информации, поседувала акции во Стопанска банка АД Битола, кои потоа ги продаваат на Давор Мацура и Алта банка. Филипче и СДС молчат за ова и не коментираат од страв кон ДУИ.

„Скопје.1.мк“: Над 12 тони производи од Македонија запрени на косовската граница, поради „ешерихија коли“ во претходни пратки

„Косовските власти вратиле две пратки млечни производи од Македонија, со вкупна тежина од 12.268 килограми, поради претходно утврдени неправилности поврзани со безбедноста на храната и хигиената во производството. Станувало збор за прехранбени кремови со растителни масти и производи од сирење, произведени од АД ‘Млекара Тетово’,пренесува ‘Радио Ким’. Пратките биле наменети за компанијата ‘VIZIONI M.Z.I.I’ од Преоце, во близина на Грачаница, но биле запрени на граничниот премин Генерал Јанковиќ.“ – објави информативниот портал „Скопје 1.мк“.

Партија на пензионери: Поддршка за новиот предлог- КЗ! Конфискуваниот имот да оди за социјалната заштита, здравството и стандардот на пензионерите!

Партијата на пензионери дава целосна поддршка за новиот предлог-закон за Кривичниот законик на Македонија, со кој се предвидуваат построги казни за корупција и криминал меѓу носителите на јавни функции. Од партијата, сепак, сметаат дека се потребни дополнително заострување на казнените мерки и суштински реформи во правосудниот систем.

ЕУ го натерала Вучиќ да ги повлече војниците и полицијата од Пионирскиот парк, за да спречи судири и граѓанска војна?!

Европската Унија извршила притисок врз Александар Вучиќ во изборната ноќ да ги повлече војниците и полицајците од Пионирскиот парк во Белград, бидејќи постоел страв дека ситуацијата може да ескалира во граѓанска војна. Ова го тврди поранешната амбасадорка на Белгија во Србија, Дениз де Хауер, во интервју за телевизијата „Инсајдер“.

To top