Македонија

Јовева: Постои скептицизам во врска со проширувањето на ЕУ, но тоа не треба да биде причина Скопјe да се откаже од реформите (ВИДЕО)

Перцепцијата дека земјата е во „лимбо“ – ниту напред ниту назад – не е неразумна, со оглед на растечкиот скептицизам во рамките на ЕУ, вели словенечката европратеничка Ирена Јовева

1 минута за читање

 

Словенечката европратеничка Ирена Јовева изјави дека интеграцијата на Македонија во ЕУ се соочува со сериозни предизвици и недостаток на динамика.

Таа за ТВ Телма изјави дека перцепцијата дека земјата е во „лимбо“ – ниту напред ниту назад – не е неразумна, со оглед на растечкиот скептицизам во рамките на Европската Унија во врска со процесот на проширување.

„Да, постои скептицизам во врска со проширувањето на ЕУ“, нагласи Јовева, додавајќи дека многу земји-членки претпазливо пристапуваат кон понатамошни чекори кон прифаќање нови земји.

Сепак, според неа, ова не треба да биде причина за Скопјe да се откаже од реформите и обврските кон европските стандарди.

На прашањето колку е безбедна европската интеграција на Македонија во сегашните услови, Јовева рече дека има излез, но само ако државната институција продолжи со посветеност и ако ЕУ покаже јасност во однос на перспективата за членство.

Конечно, таа подвлече дека соработката, стабилноста и конкретните реформи остануваат клучни за излегување од сегашниот ќорсокак и враќање на довербата во процесот на членство.

Поврзани теми:

актуелно|еу|проширување|Јовева|скептицизам

Повеќе на оваа тема:

Најнови вести од: Македонија

Мицкоски побара од Бугарија, како НАТО-партнер, да ѝ го испорача осудениот Михаилов, баран со потерница, кој се појавува на протести во Софија!

„Ние имаме потерница за тоа лице и очекувам нашите партнери да постапат соодветно на партнерството.“ – рече денеска премиерот Христијан Мицкоски, одговарајќи на новинарско прашање за случајот со Симеон Михаилов. Михаилов е осуден на 12 години затвор во Македонија, но избега пред да ја отслужи казната. Тој сега се појавува на бугарски телевизии и на протести во Софија, од каде што ја брани неговата ќерка Ива Михаилова, на која ѝ се суди во Кочани за сообраќајна несреќа со еден загинат.

Мицкоски: Ќе продолжиме да ги решаваме проблемите на граѓаните, затоа ја добивме довербата од нив!

Претседателот на Владата на Република Македонија Христијан Мицкоски во одговор на новинарско прашање денеска при претставување на „Градскиот воз“ истакна дека и покрај сите предизвици во Европа како наш најголем трговски партнер, сепак трендот на раст на бруто-домашниот производ се очекува да продолжи и оваа година и  да изнесува некаде меѓу 3,5 и 4% проценти.

„Н.М.“: Македонија има причина да биде во Европа, со свој идентитет и јасно дефинирани македонски интереси, но не безусловно!

Исландскиот референдум не треба да биде лекција против Европската Унија, туку лекција за самодоверба во преговорите. Исланѓаните не рекоа: „ЕУ не ни треба“. Тие рекоа: „Ние ќе одлучиме кога, како и под кои услови ќе разговараме за нашата иднина“. Тоа е демократска зрелост. И токму таква зрелост ѝ треба на Македонија. Не да му каже „не“ на Брисел. Но ниту автоматски да кажува „да“ на секое барање. Туку да научи да кажува: „Ова е нашиот интерес. Ова можеме да го прифатиме. За ова можеме да преговараме. А ова не можеме да го прифатиме“. И тоа да го каже аргументирано, мирно и европски. Ова се нагласува во анализата со наслов „Македонија има причина да биде во Европа, но како своја и со својот изворен идентитет и карактер“, која е објавенма денес „Нова Македонија“.

Мицкоски: Македонија е отворена за нови инвестиции и партнерства, кои ќе ја засилат економската соработка со Унгарија

Премиерот на Република Македонија Христијан Мицкоски денеска од Будимпешта порача дека Македонија е отворена за нови инвестиции и партнерства, нагласувајќи дека економската соработка со Унгарија има значителен потенцијал за раст.
Сите вести од Македонија

Најнови вести

To top