Македонија

Кандидатот за претседател на Студеничани од Вреди Бислими: ДУИ ги измамуваа жителите, но јас ќе го решам проблемот со водата за пиење!

„Секоја кампања, исто ветување, иста измама. Доста веќе со тоа!“ – порача Седат Бислими.

1 минута за читање

„Кандидатот на Вреди за претседател на општина Студеничани Седат Бислими преку фејсбук порача дека проблемот со водата за пиење ќе биде прв приоритет на неговото локално владеење, ако ја добие довербата на граѓаните.“ – објави информативниот портал на албански јазик „Алфакс“.

Натаму порталот наведува: „Сите знаеме што се ветува со години во нашата општина, особено за водата за пиење. Секоја кампања, исто ветување, иста измама.“ – напиша Бислими, додавајќи дека граѓаните се во право кога велат „доста веќе со зборови“. 

Тој вети конкретна акција уште од првиот ден од мандатот. „Ќе се формира работна група со инженери и експерти за конечно решавање на проблемот со водоснабдувањето во секое село од општина Студеничани.“ – нагласи Бислими во својата објава преку општествената мрежа.

Бислими нагласува дека не ја бара довербата на граѓаните преку зборови, туку преку резултати: „Не сакам да ја освојам вашата доверба со ветувања, сакам да ја освојам со првата работа и првиот резултат. Бидејќи, за мене, водата не е луксуз, таа е основно право што треба да го има секое семејство во оваа општина.“

Поврзани теми:

Седат Бислими|Студеничани|ВРЕДИ|ДУИ|локални избори

Повеќе на оваа тема:

Најнови вести од: Македонија

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top