Против 44-годишниот скопјанец осомничен за опожарувањето на две дипломатски возила во сопственост на Амбасадата на Република Бугарија во Скопје, е поднесена кривична пријави, со што случајот е целосно расчистен. соопшти СВР Скопје. .
Од Министерството за внатрешни работи информираат дека Одделението за криминалистички работи при Полициската станица Центар и Бит Пазар вчера по итна постапка поднело кривична пријава против И.Д.С. (44) од Скопје поради основано сомнение дека го сторил кривичното дело „предизвикување општа опасност“.
44 годишен скопјанец ги запалил двете возила на Бугарската амбасада
Во текот на истрагата биле обезбедени повеќе материјални докази, меѓу кои снимки од видео надзор од повеќе локации, како и облеката што осомничениот ја носел во моментот на извршување на делото.
При службениот разговор во полициска станица, осомничениот го признал извршувањето на кривичното дело.
По преземените мерки и обезбедените докази, против него е поднесена кривична пријава по итна постапка, а натамошната постапка ќе се води пред надлежното обвинителство и суд.