Македонија

Мемиш – Младеновиќ: Преку документарните филмови, ги запознаваме новите генерации со богатата историјата на Битола

Битола ги доби новите градски хроничари

Минатиот викенд во Кино “Манаки“ – Битола, премиерно беше прикажан документарниот филм “Мојот вујко Стив Наумов“, трето авторско дело на Шенол Мемиш и Дејан Младеновиќ. Во филмот, кој е со времетраење од 70 минути и е снимен на повеќе локации низ Битола, за животот и херојските подвизи на народниот херој Стив Наумов раскажува неговиот внук од сестра, Стефан Бошков.

Овој филм е трет заеднички проект на двоецот Мемиш – Младеновиќ, по “80 години слободна Битола“ и филмот посветен на битолскиот спортски новинар и писател Димче Миновски, за кој ја добија и престижната “Златна камера 300“ на минатогодишниот Интернационален филмски фестивал за аматерски документарни филмови.

По полната сала и бројните ракции во дел од медиумите, може слободно да се каже дека Битола доби двајца нови хроничари на градот, кои преку документарните филмови ја раскажуваат историјата на градот и животот на познатите и признати битолчани. “Не застануваме тука. Во план сме да реализираме и други долгометражни документарни филмови на повеќе теми.

Им благодариме на сите кои ги помагаат нашите проекти, на гледачите кои одделуваат време и доаѓаат на кино да ги гледаат нашите филмови и пред се на Општина Битола која финансиски ги помогна трите наши филма“, вели Шенол Мемиш, режисер.

Тој појаснува дека нивна најголема цел е да ги запознаат новите генерации со богатата историја на градот на конзулите, преку приказните за познати битолчани кои преку нивната работа оставиле траен белег во овој град.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top