Македонија

Мицкоски: Компромис за Законот за прекршоци, а за техничката влада сме согласни да се укине

„Денеска јавноста беше сведок на поинаков пристап на решавање на отворени прашања, нешто што можеби не се случувало во изминатите 35 години државност, а тоа е преку плодна дискусија во оваа лидерска средба и во дебата, која во одредена мерка беше полна со предлози и идеи.“ – изјави денеска претседателот на Владата на Република Македонија и лидер на ВМРО ДПМНЕ Христијан Мицкоски. Тој истакна дека средбата била конструктивна. „Голем дел од отворените прашања се отворија. За поголем дел од тие поголеми отворени прашања имаме исто мислење и заеднички јазик, за еден дел, нормално, позициите ни се разликуваат. Но, она, што за мене важно е преку една ваква дискусија, во која што сите чинители присутни на оваа лидерска средба, кажаа јавно дека таа средба била конструктивна.“ – нагласи Мицкоски. „Македонските граѓани во овој период на празници можеа да видат поинакво однесување од политичките чинители, зрело и конструктивно однесување, кое значи надминување на проблемите.’ – додаде тој.

2 минути за читање

Најдовме своевиден компромис за Законот за прекршоци, а за техничката влада генерално сите се согласивме дека треба да замине во минатото, изјави премиерот и претседател на ВМРО-ДПМНЕ, Христијан Мицкоски по денешната лидерска средба во Клубот на пратениците.

Според Мицкоски, ако нема согласност кај сите парламентарни групи да се прифати предлогот за укинување на пржинската влада, таа да важи и за следните избори, па потоа да се укине.Но, како што оцени, ќе треба да се направат измени во Законот за влада зашто има промена во ресорите.

-Јавноста денеска беше сведок на еден поинаков пристап – на отворена, конструктивна дебата полна со предлози и идеи. Се отворија многу прашања. Предложив дебатата да продолжи на ниво на пратенички групи зашто ние сме за надминување на проблемите, а не за создавање нови, истакна Мицкоски.

Тој на лидерската средба, што се одржа по негова иницијатива, беше придружуван од координаторот на пратеничката група на ВМРО-ДПНМНЕ, Никола Мицевски. На средбата од коалициските партнери во Владата присуствува генералниот секретар на ЗНАМ и министер за јавна администрација, Горан Минчев, како и градоначалникот на Тетово, Биљал Касами од коалицијата „Вреди“. Од опозициските пратенички групи присутни беа лидерите на Левица и на ДУИ, Димитар Апасиев и Али Ахмети.

Претседателот на СДСМ, Венко Филипче, кој го одби повикот на Мицкоски, не дојде на средбата.

МИА

Поврзани теми:

топ|актуелно|ДУИ|СДС|Левица|коалиција Вреди|Лидер на ВМРО ДПМНЕ и претседател на Влада на Република Македонија Христијан Мицкоски|лидерска средба

Повеќе на оваа тема:

Најнови вести од: Македонија

Ахмети: Се согласуваме со една изборна единица, а за укинување на техничката влада да се консултираат ЕУ и САД

„Во однос на прашањето за техничката влада, ние сме на ставот дека треба да се консултираме дополнително со меѓународната заедница, меѓународниот фактор и партнерите кои се коавтори на текстот за Пржинската влада – ЕУ и САД.“ – посочи Ахмети.

Загина тетовецот Обрад Стојановиќ (76) во запалениот стан, син му повреден

Починатиот Обрад Стојановиќ 42 години работеше како наставник по практична настава во Средното текстилно училиште „Ѓоце Стојчевски-Амбарче“, во Тетово. Еден е од основачите на Здружението на Срби и Македонци „Бранко Чајка“ од Тетово и негов прв претседател.

Прв смртен случај со грип сезонава, почина 75 годишна жена – во првата седмица од јануари 1725 грипосани во земјата

Од Институтот за јавно здравје велат дека будно ќе ја следат епидемиолошката состојба со цел заштита на здравјето на граѓаните и спречување на ширење на вирусот.

Дурмиши: Засега нема причина да се воведе ограничување за цените на храната

Министерот за економија и труд Бесар Дурмиши смета дека засега нема причини да се реагира и да се воведе ограничување на цените на храната, затоа што во декември цените биле намалени за 0,4 проценти. 

Македонската метрополола и нејзината култна фонтана „Лотос“ во Градскиот парк си го враќаат сјајот: почна целосната реконструкција!

Градоначалникот на Град Скопје, Орце Ѓорѓиевски објави дека започната е целосна реконструкција на фонтаната сместена на влезот од Градскиот парк, место што со децении претставува препознатлив белег и гордост на Скопје, но и место кое долги години беше запуштено.

Макрон вели „ќе има невидени последици“, ако Трамп ја преземе контролата над Грендланд!

„Ако суверенитетот на европска земја и сојузник е загрозен, последиците би биле без преседан, изјави францускиот претседател Емануел Макрон на состанокот на кабинетот во средата, алудирајќи на заложбите на американскиот претседател Доналд Трамп да ја преземе контролата врз арктичката територија.

Македонците во Албанија ја одбележаа Василица со голема духовна радост, најбројни во селото Леска

Македонците во Албанија традиционално го одбележуваат празникот Свети Василиј Велики, со кој се означува почетокот на Новата година според јулијанскиот календар. Најмасовно присуството на верници, од сите делови на Мала Преспа и пошироко, беше во црквата „Свети Василиј” во селото Леска, каде што со голема чест и духовна радост го одбележаа празникот, кој е патрон на овој божји храм. Во Мала Преспа, Голо Брдо, Врбник, синоќа се палеа василичарски огнови, се пиеше вино и топла ракија, се пееја песни. Во Пустец коледарски оган беше запален на плоштадот, во близина на црквата „Свети Архангел и Михаил”.

Николовски:За некои политички структури во Бугарија секогаш сме тема за привлекување гласачи

„За некои политички структури во Бугарија Македонија е секогаш интересна тема за привлекување гласачи, но со отворање дебата за Македонија, тие само ги влошуваат односите.“ – изјави вицепремиерот и министер за транспорт Александар Николовски по ставовите од Софија поради неодамнешниот инцидент со кршењето на прозорците на вратите на влезот од бугарската амбасада.
Сите вести од Македонија

Најнови вести

To top