Македонија

Мицкоски: Нема да има пензија под 15 илјади! Пред линеарното зголемување 150 илјади пензионери примаа само 10-12 илјади!

Претседателот на Владата на Република Македонија Христијан Мицкоски најави зголемување на пензиите напролет годинава. Запрашан дали Уставниот суд би можел да го спречи линеарното зголемување на пензиите, тој одговори дека не би ги коментирал неговите одлуки.

2 минути за читање

Со линеарното зголемување на пензиите, не само што се намалува јазот, односно се зголемува правилната распределба на приходите, туку се намалува и стапката на сиромаштија, бидејќи пензионерите се најсиромашната група граѓани, вели премиерот Мицкоски, нагласувајќи дека со интервенцијата започната од ноември 2024 година, заклучно со април 2026 година ќе има линеарно зголемување на пензиите за 7.000 денари и нема да има пензија под 15.000 денари.

Цениме, рече Мицоски, одговарајќи на новинарски прашања по отворањето на нова детска градинка во Кочани, дека со ова уште повеќе ќе влијаеме позитивно во намалување на стапката на сиромаштија.

Не треба, нагласи тој, да заборавиме уште еден параметар, а тоа дека 150.000 пензионери пред да почне ова линеарно зголемување имаа пензии кои беа околу 10 до 12.000 денари. – Од вкупно 330.000 пензионери, 150.000 беа во таа група. Што значи дека сега тие веќе со овие 7.000 денари линеарно зголемување немаат пензија под 15.000 денари, туку сите се движат од 17 до 19.000 денари. И како влада ќе продолжиме во таа насока – истакна Мицкоски.

Прашан дали Уставниот суд би можел да го спречи линеарното зголемување на пензиите, Мицкоски, рече дека не би ги коментирал одлуките на Уставниот суд, затоа што, како што наведе „воведовме таква пракса и тоа е правилното – да не се коментираат одлуките на Уставниот суд“.

– Јас само можам да ги коментирам податоците кои ги објави Државниот завод за статистика, односно социјалните показатели и параметри. Таму се анализирани два суштински, кои се битни за граѓаните. Едниот е стапката на сиромаштија, другиот е токму оној Џини-коефициент, односно правилната или неправилната распределба на доходите за која зборувавте. Точно е дека како држава сме лидери во регионот и сме над европскиот просек. А што се однесува до стапката на сиромаштија, во 2024 година таа е помала – 21,9%, споредено со 22,2% во 2023 година, а ако се спореди со 2021 година, тогаш беше 23% – појасни Мицкоски.

Поврзани теми:

топ|актуелно|пензии

Повеќе на оваа тема:

Најнови вести од: Македонија

Вонредни локални избори во селската општина Брвеница, во Тетовско, по смртта на градоначалникот Јовица Илиевски

Владата донесе одлука за престанок на мандатот на неодамна починатиот градоначалник на Општина Брвеница, Јовица Илиевски, со што се создаваат законски предуслови за за распишување нови избори за градоначалник. 

Ќоку: За Вреди е важно е дијаспората да гласа без разлика на формата

За нас е важно е дијаспората да има можност да гласа без разлика дали преку електронско гласање или по пошта, но да бидат безбедни, транспарентни и сигурни форми и во согласност со меѓународните стандарди – истакна денеска координаторот на пратеничката група на ВРЕДИ, Беким Ќоку, по одржаната средба во Собранието помеѓу политичките партии за Изборниот законик.

Утре средба Мицкоски – Кос: Во фокус европската интеграција и реформите

Претседателот на владата на Република Македонија, Христијан Мицкоски, утре, на 8 јули 2026 година во 12 часот и 10 минути ќе ја пречека еврокомесарката за проширување на Европската Унија, Марта Кос.

ВМРО-ДМПНЕ прифаќа сѐ, што ќе договорат опозициските партии, ако биде прифатен нејзиниот став да може да гласа дијаспората

Сето тоа коешто ќе го договорат Левица, СДСМ, ДУИ и другите помали опозициски партии од аспект на финансирање, од аспект на изјаснување на дијаспората, од аспект на поплаките и од аспект на една изборна единица и сите детали кои се инкорпорирани, ние тоа ќе го прифатиме се додека биде прифатен нашиот став, а тоа е дијаспората да може да го испочитува уставно загарантираното право и да може да гласа и да се изјаснува на избори – истакна денеска во изјава за медиумите пратеникот на ВМРО-ДПМНЕ, Бојан Стојаноски по одржаната средба во Собранието помеѓу политичките партии околу Изборниот законик.

Кос: Покажавте силни резултати од реформската агенда, ве охрабрувам да го сторите истото во пристапните преговори

„Покажавте силни перформанси во рамките на Реформската агенда, Доаѓам во Скопјe за да ја охрабрам Владата да го стори истото во пристапните преговори, затоа што сега имаме можност, што се случува еднаш во генерацијата, да го оствариме проширувањето.“ – вели во интервју за МИА еврокомесарката за преговори за проширување и соседска политика Марта Кос непосредно пред нејзината утрешна посета на Скопје.

За ДУИ Македонија не е унитарна, туку „мултиетничка држава“, во која Албанците се „половина од реалноста“ и „така мора да се претставува“ на Самитот на НАТО?!

„Претставување без Албанци не е претставување на државата. Државата не е праведно претставена кога половина од нејзината реалност е изоставена.“ – наведува ДУИ во своето денешно соопштение во врска со учеството на државната делегација на Република Македонија на Самитот на НАТО, кој се одржува во Турција и создаде дилема: која „половина од нејзината реалност е изоставена“? Ако ДУИ таа „половина од реалноста“ ја поврзува со Албанците, тогаш треба да се има предвид дека овој етникум во структурата на населението на Македонија учествува, според пописот од 2021 година со 24,30 отсто, што значи само со една четвртина, а не со 50 проценти.
Сите вести од Македонија

Најнови вести

To top