Македонија

Мицкоски најави нови апсења : До пред 4-5 години битанги, бараби и банди, хараа низ Македонија

Тој го повтори својот став дека одгледаната марихуана не може да се искористи за производство на масло од канабис со соодветен квалитет што би можело да се пласира на легален пазар.

Премиерот Христијан Мицкоски денеска изјави дека неколку правни субјекти се наоѓаат под постојан надзор во рамките на активностите поврзани со производството и контролата на канабис, нагласувајќи дека очекува да бидат откриени уште значителни количини марихуана.

Тој го повтори својот став дека одгледаната марихуана не може да се искористи за производство на масло од канабис со соодветен квалитет што би можело да се пласира на легален пазар.

„Неколку други правни субјекти се под постојан надзор. Не случајно кажав дека неколку десетици тони ќе бидат откриени и дека може до сто тона да дојдеме“, рече Мицкоски, додавајќи дека лицата кои се занимавале со незаконити влијанија веќе се процесуирани и се наоѓаат зад решетки, а најави дека ќе следуваат и нови постапки.

„Оние битанги кои се занимаваат со овие незаконити дејствија, најголемиот дел веќе се зад решетки. Има уште некои кои ќе се најдат таму. Работата со криминалот е неисплатлива професија и ќе биде жестоко санкционирана. И нема да има пардон додека јас ја предводам владата. Знаете до пред 4-5 години какви битанги и бараби, и банди, хараа низ Скопје и низ Македонија, фала му на Бога сега тоа го нема и тие се таму кај што се“, истакна премиерот.

На прашањето дали ќе се реактивира меѓуресорското тело за контрола на дроги, кое било формирано и функционирало до 2017 година, Мицкоски не даде директен одговор, но нагласи дека борбата против организираниот криминал поврзан со наркотици ќе продолжи без компромиси.

Оваа изјава доаѓа во контекст на тековните полициски акции за откривање и заплена на големи количества марихуана, вклучително и рекордната заплена од над 27 тони во февруари 2026 година, поврзана со компанијата „Алфафарм ДОО Скопје“ и транснационален шверц преку Србија.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top