Македонија

Муцунски во дводневна работна посета на Брисел, ќе се разговара за европската и реформската агенда на Република Македонија

„Македонија е посветена на европската интеграција, но треба и ЕУ да покаже подеднаква посветеност на нашиот европски пат.“ – нагласи шефот на македонската дипломатија во интервју за „Њуз Макс Балканс“ пред заминувањето за ЕУ .

Министерот за надворешни работи и надворешна трговија на Република Македонија Тимчо Муцунски денес и утре е во работна посета на Брисел. Планирани се средби со еврокомесарката за проширување на ЕУ Марта Кос и со генералниот директор на Директоратот на Европската комисија за проширување и источно соседство Герт Јан Копман. Како што е најавено, на средбите ќе се разговара за теми поврзани со европската и реформската агенда на Република Македонија, како и нејзините натамошни чекори во пристапувањето кон ЕУ.

„Подготвени сме да ги завршиме тешките реформи – и веќе тоа го правиме. Со тоа јасно го покажуваме стратегискиот правец, во кој се движиме. Но време е и Европската Унија, нејзините институции и земји-членки, да покажат подеднаква посветеност на нашиот европски пат.“ -нагласи во интервју за „Њуз Макс Балканс“ шефот на македонската дипломатија Муцунски пред да замине за Брисел. Во интервјуто тој се осврна на европската интеграција на Република Македонија, регионалните прашања, членството во НАТО, партнерството со ЕУ во областа на безбедноста и одбраната, како и за странските инвестиции.

Тимчо Муцунски укажа дека Владата на Република Македонија е посветена на европската интеграција преку спроведување реформи и исполнување мерливи критериуми, кои ЕУ ги поставила самата. Но, како што посочи македонскиот министер, потребна е решителност, правичен пристап и предвидлива патека за напредокот на Република Македонија, додавајќи дека таа како држава стои цврсто на своите стратегиски приоритети: членството во НАТО, посветеноста на патот кон Европската Унија и стратегиското партнерство со САД.


Најнови вести од: Македонија

Почесниот конзулат на Србија во Куманово одбележа една година постоење

Тие врски денес дополнително се зајакнати преку исклучително добрата соработка помеѓу владите на двете држави која се одвива во духот на замена почит и заедничка посветеност кон европската иднина на регионот

ВМРО-ДПМНЕ: Димче и Амар се Левичари од Али Експрес, Амар положил само 7 испити на факултет

„Левичарите од Али Експрес како Димче Апасиев и Амар Мециновиќ, па дури и целото раководство од президиумот, си измислуваат лажни приказни во кои само тие си веруваат и мислат дека и народот ќе им верува“ – пишува ВМРО-ДПМНЕ во соопштение.

To top