Министерот за европски прашања на Република Македонија Орхан Муртезани присуствува од денес на дводневниот неформален состанок на министрите за европски прашања, што се одржува во Копенхаген, во рамките на данското претседавање со Советот на Европската Унија.
На состанокот министрите на земјите членки на ЕУ заедно со нивните колеги од Западниот Балкан, Украина, Молдавија и Турција, ќе разменат мислења за значењето на Копенхагенските критериуми како основа на проширување и за концептот на постепена интеграција како механизам за одржување на европската перспектива и за зајакнување на довербата во пристапувањето.