На 40 степени без вода: Жители на неколку скопски општини се тушираат и перат по комшии

Во скопските населби Црниче, Пржино и делови од Водно, жителите се соочуваат со сериозни проблеми со водоснабдувањето веќе неколку недели, а револтот меѓу нив продолжува да расте. Многу од нив се принудени да се справуваат со рестрикции и намален притисок на водата, што дополнително ја отежнува секојдневната рутина. Маја С., жителка на Црниче, изјавува дека […]

24. јули 2025. — 11:12 2 минути за читање

Во скопските населби Црниче, Пржино и делови од Водно, жителите се соочуваат со сериозни проблеми со водоснабдувањето веќе неколку недели, а револтот меѓу нив продолжува да расте. Многу од нив се принудени да се справуваат со рестрикции и намален притисок на водата, што дополнително ја отежнува секојдневната рутина.

Маја С., жителка на Црниче, изјавува дека секое утро станува во 5 часот за да провери дали има вода, со цел да се истушира пред работа.

– Секој ден е исто – станувам, нема вода, па се нервирам. Одам кај сестра ми или брат ми, а за милениците морам да полнам туби од работа – објаснува таа.

Слична е ситуацијата и со Нена С., пензионерка од истата населба, која вели дека цел ден мора да крева шишиња со вода за да подготви ручек, да се измие или да ги наводни цвеќата.

Според ЈП „Водовод и канализација“, проблемите се должат на неконтролирана и енормна потрошувачка на вода, која предизвикува нестабилност на водоводниот систем, особено во повисоките делови на градот. Проблемите се дополнително влошуваат со појавата на дефекти на водоводната мрежа, кои не се санираат навреме, па често се случува вода да тече низ улиците и тротоарите.

– Градскиот водоводен систем функционира со намален притисок и со периодични прекини на водоснабдувањето во делови од градот. Очекуваме стабилизирање на системот по 23:00 часот – велат од ЈП „Водовод и канализација“ и апелираат за рационална потрошувачка на вода.

Од претпријатието истакнуваат дека голем дел од проблемите произлегуваат од големите загуби на вода, кои достигнуваат и до 70%. Тие повикуваат на соработка од страна на граѓаните и локалните власти.

Не заостануваат и политичките обвинувања. ВМРО-ДПМНЕ ја обвинија градоначалничката Данела Арсовска дека „се занимава со висока политика“, додека половина Скопје не може да добие вода.

Од друга страна, градоначалничката Арсовска тврди дека проблемот не е во водата, туку во „дивите приклучоци“ во Шуто Оризари, каде, како што вели, биле фатени и полициски службеници, но дека МВР не поднело пријава за овој случај.

– Проблемот не е водата. Проблем се оние кои ја крадат и институциите кои ги штитат – порача таа.

Во меѓувреме, градоначалникот на Бутел, Дарко Костовски, соопшти дека Владата издвојила повеќе од 110 милиони денари за решавање на долгогодишниот проблем со водоснабдувањето во селата Љубанци и Љуботен.

Извор: Скопје 1

Поврзани теми:

Скопје|општини

Најнови вести од: Македонија

Мухамеди: Зошто Албанците гласаат за лажни патриоти, а добиваат капитални проекти од политичари Македонци?

Адвокатот им се чуди на сонародниците што избираат такви што гледаат само лично да се збогатат

пред 11 мин.

Членови на ФЧП на Македонците од Егејска Македонија дадоа поддршка за МАЕИ во Корча

Во пресрет на денешното судското рочиште по тужбата поднесена од Фондацијата „Бугарска меморија“ од Бугарија против МАЕИ и Стерјовски

пред 3 часа

IN MEMORIAM: Последен поздрав за Проф. д-р Катерина Мирчевска од ИНИ

Замина посветен истражувач и врвен професионалец, која со својата научна работа, човечка доблест и колегијалност остави длабока и неизбришлива трага во македонската историографија

пред 4 часа

Пеколен ден за Штипјани – евакуирани вработените од „Албатрос“ (ВИДЕО)

Густ чад и пожари го зафатија Штипско и Пробиштипско

пред 5 часа

Аудито на Рамиз Мерко доби нов сопственик

Возилото е купено пред шест години, а почетната цена на аукцијата беше објавена на 10.000 евра.

пред 5 часа

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.

пред 5 часа

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

пред 6 часа

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

пред 7 часа

Сите вести од Македонија