Македонија

Не завршил ни „осмо“, а се заканува дека ќе убива

На списокот имало имиња и презимиња на соучениците и датум за извршување на заканата

Ученик од седмо одделение од основното училиште „Стив Наумов“ во Битола на социјалната мрежа Тик-Ток објавил список за ликвидација на негови сооученици и на нивните родители.

На списокот имало имиња и презимиња на соучениците и датум за извршување на заканата, дознава СДК.

Родителите на учениците испратиле претставка до Државниот просветен инспекторат, а училиштето го пријавило случајот во Центарот за социјални работи, СВР Битола и во Подрачното одделение за образование.

Директорот на основното училиште „Стив Наумов“ изјавил дека инцидентот се случил надвор од училишните клупи, но дека училиштето ќе соработува со надлежните институции за целосно разрешување на случајот.

Училиштето „Стив Наумов“ преку соопштение информира дека веднаш постапило согласно своите законски надлежности и обврски во врска со настанот поврзан со ученик кој преку социјалните мрежи објавувал недолични и заканувачки пораки за неговите соученици и нивните родители.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top