Европската комисија го објави Вториот повик за доставување предлог-проекти во рамките на ИПА III Програмата за прекугранична соработка Македонија – Албанија 2021–2027, насловен „Програма за прекугранична соработка Македонија – Албанија во рамките на Инструментот за претпристапна помош (ИПА III), алокации за 2024 година“. Повикот има за цел да ги поттикне организациите од двете земји да развиваат и спроведуваат заеднички проекти што придонесуваат за унапредување на прекуграничната соработка.
Заинтересираните организации се повикуваат навремено да започнат со подготовка на своите проектни предлози, како и со воспоставување контакти и координација со потенцијалните прекугранични партнери. Раното планирање и ефективната соработка меѓу партнерите се важни предуслови за подготовка на квалитетни и одржливи проектни предлози.
Министерот за локална самоуправа Иван Стоилковиќ истакна дека преку европската територијална соработка се создаваат можности локалните заедници заеднички да одговорат на предизвиците, да ги развиваат своите капацитети и да ги искористат локалните потенцијали.
„Министерството за локална самоуправа е Национален орган за ИПА III Програмата за прекугранична соработка Македонија – Албанија 2021–2027, со алокација од 3.430.000 евра, и ја поздравува објавата на новиот повик.
Упатувам благодарност до Европската Унија и Делегацијата на Европската Унија за континуираната поддршка и досегашната успешна соработка. Министерството ќе продолжи да работи на зајакнување на можностите за локален и регионален развој, како и на зголемување на бројот на проекти што ќе се реализираат во рамките на прекуграничната соработка.
Од вкупно 62 проекти за прекугранична соработка што се реализирани или се во фаза на реализација, само два се спроведуваат во соработка со Република Албанија. Ова укажува на потребата за значително зголемување на бројот на заеднички проекти во иднина. Затоа ги повикувам единиците на локалната самоуправа и сите заинтересирани партнери активно да се вклучат во новиот повик“, истакна Стоилковиќ.
Крајниот рок за доставување на Концепт нотите е 15 јануари 2027 година. Станува збор за ограничен повик, во чија прва фаза апликантите треба да достават Концепт нота (Анекс А.1 – Образец за аплицирање за грант: Концепт нота).
Целосната документација, условите и насоките за аплицирање се достапни на Порталот за финансирање и тендери на Европската Унија: https://ec.europa.eu/info/funding-tenders/opportunities/portal/screen/opportunities/prospect-details/187670PROSPECTSEN?isExactMatch=true&status=31094501,31094502,31094503&frameworkProgramme=111111&programmePart=&order=DESC&pageNumber=1&pageSize=50&sortBy=startDate
Во рамките на повикот ќе бидат организирани и информативни сесии за потенцијалните апликанти. Сесиите се планирани приближно 15 дена по објавувањето на повикот, а дополнителните информации за датумите, локациите и начинот на организација ќе бидат објавени дополнително.
Линк од Фб-објава: