Времето денеска ќе биде променливо облачно и посвежо, најавува Управата за хидрометеоролошки работи.
Во западните делови ќе има повремени локални врнежи од дожд.
Слаби врнежи од снег има на Попова Шапка и Крушево и на планинските премини Стража, Буково и Ѓавато. Според информациите од Јавнот претпријатие „Македонија пат“ сите патни правци се проодни.
Сообраќајот се одвива непречено по влажни коловози, а внимателно возење се препорачува особено низ клисурите каде е можна појава од одрони.
Ќе дува умерен ветер од источен и југоисточен правец.
Во Скопје времето ќе биде променливо облачно, во делови од котлината ќе има слаби врнежи од дожд. Ќе дува слаб до умерен ветер од југоисточен правец. Температурата ќе се движи од 4 степени наутро, до 13 степени преку денот.
Во следните денови времето ќе биде променливо облачно и посвежо.
Утре ќе има повремени локални врнежи од дожд, кои ќе бидат пообилни во западните делови. Поради спуштање на постудена воздушна маса од север, на планините и на некои од повисоките места ќе има услови врнежите да преминуваат во снег.