Македонија

Орбан: Европските лидери се на прагот да предизвикаат воен судир во Европа

„Постои реална опасност можната војна во Европа да прерасне и во Трета светска војна, а нејзиниот извор е конфликтот меѓу Русија и Украина.“ – предупреди унгарскиот премиер Виктор Орбан на противвоениот митинг, одржан во градот Ѓер, на северозападот на Унгарија. Според него, другите земји треба да инсистираат на итен прекин на овој воен судир.

2 минути за читање

„Европа сега е на прагот на војна, но националната влада ѝ дава на Унгарија шанса да остане подалеку од ширењето на судирот. Сега се креваме затоа што ова е момент да се залагаме за мир.“ – објави унгарскиот информативен портал „Маѓар Немзет“ во својата обемна анализа со наслов „Премиерот Орбан: Европа е на работ на војна“.

Натаму, покрај другото порталот пишува: „Орбан додаде дека ситуацијата во Европа делумно потсетува на ситуацијата пред почетокот на Првата и Втората светска војна. Според него, европските лидери се на прагот да се сопнат и да западнат во конфликт. Премиерот Орбан истакна дека Европа има историско искуство во тоа како завршила во војни – а сегашната ситуација наликува на тие шеми.“

„Големото прашање е дали конфликтот меѓу Русија и Украина може да биде закана за нашите животи. Одговорот е да, може. Дали Унгарија има шанса да воспостави мир? Не. Унгарија може само да придонесе во мировните напори.“ – рече Орбан, додавајќи дека конфликтот може да заврши ако лидерите на ЕУ заземат став за мирот, наместо да се стремат да ја продолжат војната.“

„Националниот суверенитет, предупреди Орбан, е нешто, за што нема место за шегување. Премиерот нагласи дека секој медиум, или новинар, финансиран од странство не може да се смета како суверен актер.“ – објави „Маѓар Немзет“.

 

 

 

Поврзани теми:

војна|актуелно|европа|Унгарија

Повеќе на оваа тема:

Најнови вести од: Македонија

„Граматиката“ на Блаже Конески од 1952 – силен научен противудар кон бугарско-грчките негирања на македонскиот јазик!

„Корените на нашиот денешен литературен јазик се впиваат во наследството на писменоста, што од векови наваму носи во Македонија самобитно јазично обележје.“ – има напишано, покрај другото, еден од архитектите на македонскиот национален идентитет и на македонскиот јазик Блаже Конески во уводот на својата „Граматика на македонскиот литературен јазик“, објавена на денешен ден, на 13 октомври 1952 година. Издавањето на ова дело е еден од најзначајните датуми не само во јазичната, туку и националната историја на македонскиот народ. Најголемиот пораз за негаторите на мајчиниот јазик на Македонците е фактот што „Граматиката“ веднаш добива меѓународен легитимитет од најугледните светски лингвистички умови и од светските славистички центри: таа е веднаш прифатена од водечките слависти во Франција (Андре Вајан), Русија, Германија и САД. Речиси истовремено со Конески американскиот професор од Универзитетот Харвард Хорас Лант ја објавува својата прва македонска граматика на англиски јазик .Светската наука уште во 50-тите години од минатиот век ја затвори расправата, која денес сѐ посилно, но и сѐ почајно особено Грција и Бугарија се обидуваат повторно да ја отворат со политички фалсификати.

Македонија меѓу побезбедните држави во светот според „Мапата на опасности за 2027“ на „Глобал гардијан“ од САД

Македонија и останатите земји од Западен Балкан се наоѓаат во категориите со ниска до умерена безбедносна опасност, покажува Глобалната мапа на опасности за 2027 година, објавена од американската компанија за корпоративна безбедност „Глобал гардијан“.

Објавен Вториот повик за предлог-проекти во рамките на ИПА III Програмата за прекугранична соработка Македонија-Албанија 2021-2027

Заинтересираните организации се повикуваат навремено да започнат со подготовка на своите проектни предлози, како и со воспоставување контакти и координација со потенцијалните прекугранични партнери. Раното планирање и ефективната соработка меѓу партнерите се важни предуслови за подготовка на квалитетни и одржливи проектни предлози.

Ковачевски: СДСМ претрпе сериозен изборен пораз, имаше само 124.000 гласа – Платформата 12:05 е оправдана!

„Ова што се случува (во СДСМ) не е нешто непознато во политиката, после пораз на избори СДСМ на локалните избори претрпе сериозен пораз, имаше само 124 илјади гласа’’ посочи поранешниот претседател на СДСМ и поранешен премиер Димитар Ковачевски на гостување во МРТ.
Сите вести од Македонија

Најнови вести

To top