Донеодамнешниот бугарски претседател Румен Радев по кој знае кој пат ја повтори мантрата за Бугари во Уставот како услов за Македонија да ги почне преговорите за членство во Европската унија, овојпат филувана со желба да немало граници ни гранични премини меѓу двете земји и луѓето слободно да комуницирале меѓусебе.
Првиот човек на источниот македонскиот сосед од 2017 до 2026 година во интервју за германскиот весник „Берлинер цајтунг“ напомна дека „во согласност со Европскиот консензус (Францускиот предлог – н.з.) од јули 2022 година, РСМ треба да си го промени Уставот и да ги вклучи Бугарите рамноправно со другите државотворни народи и само тогаш можат да започнат преговорите за членство во ЕУ“.
„Ова е тежок, но неопходен процес и би сакале да ја видиме РСМ што е можно поскоро во ЕУ. Не сакаме граници и гранични премини, сакаме луѓето од двете страни на границата да можат слободно да живеат, работат и комуницираат заедно“, порача Радев.