Оставката ќе биде официјализирана во текот на денот, а потоа на потег ќе биде собранието да ја констатира и да избере нов член, дознава Сител од извори блиски до ДКСК.
Обвинителството ја сомничи Татјана Димитровска за две дела поврзани со овој случај- според истрагата таа незаконски се стекнала со сертификат за државна тајна а потоа и го злоупотребила оддавајќи тајни информации на осомничен во случајот Адитив.
Ова е првпат претседател на Антикорупциска комисија да се соочи со кривично гонење додека е на функција.
Настанот предизвика силни реакции во јавноста, а повеќе граѓански организации повикаа на целосно расчистување на случајот и транспарентност во постапката.