Македонија

Таравари би коалицирал и со ДУИ, и со „Вреди“, само да не победел Македонец?!

Лидерот на делот од Алијансата за Албанците што неодамна ја напушти владината коалиција, Арбен Таравари, за претстојните локални избори најави здружување и со ДУИ, и со „Вреди“, само да не победел Македонец во општините кадешто ќе се кршат копјата меѓу кандидатите на мнозинскиот народ и на најголемото малцинство, како на минатите избори во Кичево. „Во […]

Лидерот на делот од Алијансата за Албанците што неодамна ја напушти владината коалиција, Арбен Таравари, за претстојните локални избори најави здружување и со ДУИ, и со „Вреди“, само да не победел Македонец во општините кадешто ќе се кршат копјата меѓу кандидатите на мнозинскиот народ и на најголемото малцинство, како на минатите избори во Кичево.

„Во одредени општини, да бидеме искрени, можеби ќе има соработка ‘Влен’ – ДУИ – Алијанса за Албанците. На пример, Кичево. Кичево е типичен пример кадешто, за жал, ќе излезе на крајот да се гласа за Македонец или за Албанец, иако јас не би посакал така да биде на изборите, туку да се гласа за кандидат. И за одредени други општини може да има соработка Алијанса – ДУИ – ‘Влен’. Мислам дека сè уште перцепцијата е дека не успеавме во Македонија да направиме општество во коешто сите граѓани ќе ја избираат секогаш најдобрата личност којашто може да раководи со конкретна општина. Сè уште, за жал, сме сегрегирани, што на мене лично тоа не ми се допаѓа, меѓутоа тоа е реалноста во Македонија. Така што во некои општини, во зависност од етничката конфигурација, ќе има соработка со различни партии“, објасни во „Тема на денот“ на Сител ТВ донеодамнешниот министер за здравство и ексградоначалник на Гостивар благодарејќи и на гласовите на Македонци (против кандидатот на ДУИ).

Најнови вести од: Македонија

Пожар на 10 метри од детска градинка, двајца полицајци повредени

Двајца полицајци се хоспитализирани на Клиниката за токсикологија поради вдишување на јаглерод моноксид додека го гаснеле пожарот што избувна денеска попладне во близина на новоизградената детска градинка, сместена во дворот на основното училиште „Св. Климент Охридски“ во Бутел.

(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови. 

Паѓаа дрва, се откорнаа покриви од згради – невреме ја зафати Македонија

Скопскиот регион, но и делови од Македонија, попладнево беша погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните.

To top