Македонија

Уставниот суд не поведе постапка против правилникот на ДИК – кандидатурите за градоначалници со само 2 потписа се уставни и законски

Поднесители на иницијативата до Уставниот суд против правилникот на Државната изборна комисија се Здружението „Светски македонски конгрес“ од Скопје, застапувано од претседателот Тодор Петров, и Стевче Стојанов.

Нема никакви правни пречки да учествуваат на претстојните локални избори независните кандидати, кои ги поткрепија кандидатурите со најмалку 2 потписа од граѓаните. Уставниот суд денеска не поведе постапка по двете иницијативи за оценување на уставноста и законитоста на правилникот на Државната изборна комисија (ДИК). Тоа значи дека е во согласност со Уставот и со Изборниот законик правилникот, што го донесе ДИК, според кој може да се поднесат кандидатури за градоначалници и советнички листи со најмалку два потписа. 

Од судот објаснуваат дека не се прифатени наводите на поднесителите, кои сметаа дека со донесувањето на правилникот Државната изборна комисија се ставила во улога на законодавец. Поднесители на иницијативата до Уставниот суд се Здружението „Светски македонски конгрес“ од Скопје, застапувано од претседателот Тодор Петров, и Стевче Стојанов.

ДИК го донесе правилникот за да ја пополни правната празнина, откако Уставниот суд го укина членот од Изборниот законик, со кој се утврдуваше праг од 1 отсто за собрани потписи за кандидатура, а Собранието не успеа да донесе нова норма.

Нетпрес

Најнови вести од: Македонија

Незири: Измама е ако наместо за комунални проблеми на граѓаните се зборува на локалните избори за употреба на албанскиот јазик и други национални прашања!

„На парламентарни избори се зборува и се решава за национални прашања, а на локални избори се зборува и се решава за локални, комунални потреби на граѓаните.“ – укажува политичкиот аналитичар Џелал Незири.

Хрватска врати шлепери полни со македонски отровни пиперки наменети за европски пазар

Од македонските ниви, 15 илјади килограми црвени пиперки со високо ниво на пестицидот метомил стигнале на хрватскиот пазар. Европскиот систем за безбедност на храната објави дека пиперките се повлечени. Употребата на овој пестицид е забранета, а инспекциите вршат контрола кај производителите.

Најнови вести

To top