Македонија

Утре почнуваат интервјуата за нов претседател на антикорупциска – 10 кандидати во игра

Собраниската Комисија за прашања на изборите и именувањата утре и задутре (18 и 19 ноември) ќе спроведе интервјуа со 10-те кандидати што ги исполнуваат условите за нов претседател на Државната комисија за спречување корупција (ДКСК).

2 минути за читање

Собраниската Комисија за прашања на изборите и именувањата утре и задутре (18 и 19 ноември) ќе спроведе интервјуа со 10-те кандидати што ги исполнуваат условите за нов претседател на Државната комисија за спречување корупција (ДКСК). Постапката за избор на прв човек на антикорупциската комисија продолжува по локалните избори и по оставката на претходната претседателка Татјана Димитровска, која е осомничена во случајот „Адитив“.

Кандидатите што влегуваат во финалниот круг се: Весна Доревска, Владимир Наумоски, Антонио Санев, Бранко Смилевски, Валентина Тодоровска, Ненад Трифуновски, Благица Трошанска, Кимо Чавдар, Адем Чучуљ и Феузи Џафери.

Интервјуата ќе ги спроведе посебна селекциска комисија формирана на 13 август, составена од седум членови: Илбер Руфати (заменик Народен правобранител), Дарко Аврамовски и Бардил Јашари (претставници на граѓанскиот сектор), како и пратениците Бојан Стојаноски (ВМРО-ДПМНЕ), Саранда Имери Стафаи (Вреди), Митко Трајчулески (СДСМ) и Арбана Пашоли (Европски фронт).

Во рок од три дена по интервјуата, селекциската комисија ќе состави ранг-листа и ќе ја достави до собраниската комисија, која во рок од два дена ќе предложи единствена листа со најдобро рангираните кандидати до пленумот на Собранието.

За претседател на ДКСК може да биде избран македонски државјанин со постојано живеалиште во земјата, со високо образование (правни науки – минимум 300 ЕКТС или VII/1, односно 240 ЕКТС од политички/економски/комуниколошки науки), со најмалку 10 години работно искуство (од кои 8 во борба против корупција, владеење на правото или добро управување), кој во последните 10 години не бил пратеник, министер, партиски функционер ниту донатор на политичка партија.

Поврзани теми:

актуелно|ДКСК|Антикорупциска комисија|собраниска комисија

Повеќе на оваа тема:

Најнови вести од: Македонија

ЦУК: Крушево со заматена вода за пиење по поројните дождови, службите интервенираат низ Македонија

Во Крушево, поради поројните врнежи, водата за пиење е заматена и се препорачува превривање најмалку 10 минути. Нивото на Црна река кај селото Бучин е покачено, но водата се повлекла од местата каде претходно имало излевање. Екипи од ЈП „Комуна“, ТППЕ Крушево, ЕЛС Крушево и надлежните служби работат на зајакнување на насипите кај критичните точки, информираат утрово од Центарот за управување со кризи.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Трамп: Мора да го поседуваме Гренланд, за да ги спречиме Русија и Кина да го земат

Американскиот претседател Доналд Трамп изјави дека САД мора да го „поседуваат“ Гренланд за да ги спречат Русија и Кина да го преземат, велејќи дека тоа ќе се направи „на лесен или на тежок начин“. Острата изјава доаѓа по неодамнешните сигнали од Белата куќа дека администрацијата размислува да ја купи полусамостојната територија од Данска, но не ја исклучува опцијата за присилна анексија, пишува Би-Би-Си.

Денес гласаат болните и изнемоштените лица пред утрешните избори за градоначалник во Гостивар, Маврово Ростуше, Врапчиште и Центар Жупа

Пред утрешното гласање на повторените избори за градоначалник во општините Гостивар, Маврово Ростуше, Врапчиште и Центар Жупа, денеска избирачките одбори ќе им овозможат на болните и изнемоштените лица да го остварат својот глас во нивните домови, а ќе гласаат и притворените и затворениците, жители на овие општини. Од Државната изборна комисија (ДИК) посочуваат дека се е подготвено за повторените избори.
Сите вести од Македонија

Најнови вести

To top