Мицкоски истакна дека Евростат е единствена релевантна институција во Европа, којашто вели дека потрошувачката кошница во земјава е најниска во Европа. „Ако ја споредиме со потрошувачките кошници во регионот, таа е многу е далеку пониска, на пример со Албанија, со Бугарија, со Грција, со Србија итн. или ако некој европски просек е 100, потрошувачката кошница кај нас е на ниво под 75.“ – рече тој.
Мицкоски посочи дека Евростат има објавено за првата половина на годината колкава е куповната моќ на минималната плата, при што се анализирани се 27 земји во Европа, кои имаат применето минимална плата. „Ние се наоѓаме на средината и сме многу поконкурентни од Бугарија, Србија, Косово, Босна и Херцеговина, Црна Гора, Хрватска, Албанија итн. Рамо до рамо сме со Грција. Ние сме единствена земја која споредено со прва половина 2025 со прва половина 2024, куповна моќ на минимална плата има зголемување. Кај сите има или стагнација, или намалување. Ќе се појават коментатори на социјални мрежи кои што ќе го исмејуваат ова што го кажувам, но тоа се факти што ги објавува Евростат. Имаме избор, дали да веруваме на Тевдовски, Поповски и Јовановиќ, министри во владата на СДСМ за финансии кои ја прават минималната потрошувачка кошница, или на Евростат. Граѓаните треба да изберат на кого ќе веруваат, јас само ги цитирам Евростат и јас верувам на Евростат, кажа Мицкоски одговарајќи на новинарски прашања при посетата на Клиниката.