„СДС се појави во јавноста со прес-конференција по 4 дена за тема со која Владата, предводена од ВМРО-ДПМНЕ, успешно се справи. Тоа беше поздравено и од ЕУ. Но, има ли и некој друг во седиштето на СДС, или остана само Кузеска?“ – истакнува ВМРО ДПМНЕ.
Натаму владејачката партија посочува: По 4 дена молк СДС се јави со прес-конференција. Но, оваа денешна прес-конференција е доказ дека оваа партија воопшто не знае каде тера. Во време кога ВМРО-ДПМНЕ е на власт нема афери, нема скандали, ниту местени тендери. Затоа е и молкот од СДС.
Денес, кога е ВМРО-ДПМНЕ на власт, без помпезност, без да дознаат прво јавноста и медиумите, надлежните органи работат веднаш и се постапува во врска со одредени сомнежи, или докази за одреден криминал или корупција. Без разлика на партија или нација, секој што се огрешил пред законот мора да одговара.
Разликата е очигледна. Затоа по повод денешното појавување на СДС во јавноста прашуваме: дали Кузеска е сама во седиштето на СДС и излегува со вака неподготвена изјава? Повикуваме на реформи во СДС, на чело со Филипче. – нагласува ВМРО ДПМНЕ во својата реакција.