Владејачката македонска партија во своето соопштение наведува: На народот соопштението на СДС не му смешно, ниту интересно, затоа што токму тој народ е ограбен и злоупотребена е неговата доверба од страна на паланечки интриганти и крадци, кои ја користеа политиката за свои цели. Сеега нивните платеници раскажуваат вакви неинвентивни вицови и сметаат дека којзнае што кажале. Тој ментален склоп и тој систем, што го имаат тие создадено, е гнилежот на македонското општество. Колку и да глумат кловнови со вакви соопштенија (жалиме за говорот, но посоодветен термин не можеме да најдеме), сепак нема да може да избегаат од својата одговорност за сите свои злодела.
Убедени сме дека оваа реакција ја пишувал лично Зоран Заев, или некој, кој им е на платен список и сака да им испадне интересен и се приспособува на нивниот систем на вредности и хумор, кој е разбирлив само за одредена категорија на луѓе. Но и друг да ја пишувал реакцијата убедени сме дека ја одобрил директно Зоран Заев. Филипче не го ни прашале за реакцијава. Ова е трагедијата на македонското општество. Трагедија, која со работа и посветеност ќе ја решиме и претвориме во шанса и надеж. – нагласува ВМРО ДПМНЕ во својата реакција.