„Она што започна како чин на национална совест, ДУИ го поништи, претворајќи го во банкомат за лично збогатување. Толку е долг списокот на корумпирани членови на ДУИ кои го користеа Охридскиот договор за да ги наполнат своите џебови, што дури и нашиот стратешки партнер јавно проговори за „ендемска корупција“ и стави печат на корупцијата токму на оние кои денес се удираат во гради за „албанизам““.
„Колку и да е болно, ова е наследството од нивната моќ. Сопот, Енциклопедија, „Скопје 2014“, „Монстра“, „Храбрата населба“, масовно прислушување, Мал Алмир, „Дурмо Турс“, „Беса Транс“, „Отворен Балкан“, модуларна болница, казина и коцкање, бегства од правдата, помагање во бегството на Никола Груевски, спасувањето на Сашо Мијалков преку Артан Груби и Енвер Беџети, како и многу други кражби и манипулации“.
„Ова е нивната вистина, која не можат да ја сокријат со документарци, видео пораки или скапо платени панели. Охридскиот договор им припаѓа на Албанците. Тој не е сопственост на Али Ахмети, ниту семејно наследство на фотелјските лакомци на ДУИ“, велат од ВРЕДИ, пренесе Телеграфи