Податоците од извештајот на Народниот правобранител покажуваат дека застапеноста на Албанците во текот на 2024 година се зголемила за 0,6 проценти во споредба со претходната година – од 21,7 на 22,3 отсто.
Убедливо најголема е застапеноста на Албанците во Министерството за односи меѓу заедниците, кадешто се над половина или 52,2 проценти, иако таму бројот е намален за 3,7 отсто.
Следуваат Државниот правобранител со 49,7 проценти (+4,4 отсто во однос на 2023 година), Народниот правобранител со 43,8% (-0,3%), Министерството за енергетика со 38,3%, Министерството за локална самоуправа со 38% (-6,4%), во Управниот суд со 36,8% (+5,5%), во Министерството за животна средина со 35,4% (+0,4%), во Министерството за образование со 31,1% (-7,9%) итн.
Најмалку Албанци има во Македонската академија на науките и уметностите (МАНУ) – само еден меѓу 66 вработени или 1,5%, потоа во ЈП „Паркинзи на Општина Центар“ со 1,8% (+0,9%), во Клиниката за радиологија со 2% (+0,1%), на Универзитетот „Св. Кирил и Методиј“ со 2,3% (-0,1%), во Зоолошката градина Скопје со 2,4% (+0,3%) итн.
На последниот попис 24,3 отсто од 1.836.713 попишани лица што живеат во Македонија се изјасниле како Албанци.