Регион

Борисов кажа: Нацрт-буџетот ќе биде повлечен

Бугарската влада го повлече нацрт-буџетот што веќе беше доставен до парламентот, по масовните протести пред Собранието, негодувањето на партиите и синдикатите и предупредувањата од Европската комисија дека нацртот не е усогласен со буџетските правила на Европската Унија.

Лидерот на владејачката партија ГЕРБ и поранешен премиер на Бугарија, Бојко Борисов, во парламентот најави дека предлогот ќе биде повлечен.

2 минути за читање

Лидерот на владејачката партија ГЕРБ и поранешен премиер на Бугарија, Бојко Борисов, денес во парламентот најави дека предлогот ќе биде повлечен.

Борисов ја повика владата на премиерот Росен Железњаков да ги продолжи разговорите за буџетот со социјалните партнери – работодавците и синдикатите, пренесуваат бугарските медиуми.

Буџетскиот одбор на бугарското собрание ја откажа вчера закажаната седница за ревизија на буџетот за 2026 година. Одборот во средата, пред протестите, ги усвои деловите од буџетот што се однесуваат на јавните социјални придонеси и државното здравствено осигурување.

Во Софија се собраа неколку десетици илјади граѓани на протест пред парламентот. Според бугарските медиуми, во демонстрациите учествувале околу 20.000 луѓе, кои формираа човечки синџир околу зградата во знак на незадоволство од предложениот буџет за 2026 година.

Еуроњуз пишува дека протестот бил израз на општа загриженост за можните последици врз граѓаните и претприемачите, вклучувајќи зголемување на социјалните придонеси и даноците. Покрај тоа, буџетот, и покрај предупредувањата на експертите, предвидува рекордни јавни расходи од речиси 46 проценти од БДП.

Тие јавни инвестиции главно би се финансирале преку зголемени даноци, кои ќе ги погодат и компаниите и работниците, како и преку значително зголемување на јавниот долг.

Протестот, на кој повикаа опозициските партии Продолжуваме со промените и Демократска Бугарија, се случи откако контроверзниот буџет веќе беше усвоен во првото читање, а во пресрет на конечната одлука на пратениците. Учесниците извикуваа: „Мафија“, „Буџетот е шуплив. Не сакаме банкрот“ и „Нема второ читање“.

Иако протестот помина мирно, мал дел од демонстрантите се обидоа да го пробијат полицискиот кордон и фрлаа шишиња и петарди кон парламентот. Во метежот беа повредени тројца полицајци, пишува бугарската агенција БТА.

Поврзани теми:

избор|Бугарија|протести|Борисов|буџет

Повеќе на оваа тема:

Најнови вести од: Регион

Масовни судири и оклопни возила пред албанскиот парламент! Ситуацијата драматично ескалира, демонстрантите бараат оставка на Еди Рама!

Продолжуваат протестите пред албанскиот парламент, каде што граѓаните се собраа против албанскиот премиер Еди Рама и неговата влада, одговарајќи на повикот на организаторот за одржување протест паралелно со пленарната седница на собранието. Според албанските медиуми, се случува вистински хаос: оклопни возила пред парламентот, полицијата пука со водени топови и користи солзавец. Пријавени се десетици приведувања и повредени.

Европратеници го предупредија Рама „да не игра со оган“: Или ЕУ, или инвестицијата на зетот на Трамп!

Албанија би можела да се соочи со сериозни последици во пристапувањето кон Европската Унија, ако продолжи со реализацијата на контроверзниот туристички проект на Џаред Кушнер, зетот на американскиот претседател Доналд Трамп. На ова предупредија европратеници по посетата на земјата, оценувајќи дека проектот претставува закана за заштитените природни подрачја.

Влезот на Албанија во ЕУ е во опасност поради проектот на зетот на Трамп

Ако премиерот Рама е навистина сериозен во врска со своите амбиции да се приклучи на ЕУ, треба да се откаже од овој курс и да му каже на кланот Трамп: „Жал ми е, ЕУ е мој врвен приоритет, порача европарламентарка

Бугарка глумела „медицинска сестра“, му помагала на лажен „лекар“ во Загреб и украле 13 илјади евра од жени стари од 80 до 89 години!

Полицијата во главниот град на Хрватска, Загреб, расчистува случај со измамата „Лажен лекар“ во која жртви станале постари пензионерки. Полицијата поднела кривична пријава против бугарска државјанка (57) осомничена дека измамила три постари лица за вкупно 13.000 евра со непознат маж и уште една непозната жена, лажно претставувајќи се како лекари кои бараат пари за операција. Како што објави Полициската управа на Загреб , Бугарката е осомничена за три кривични дела „измама“ жени на возраст од 80, 88 и 89 години.

Татко и син загинаа во пожар што „голтна“ село во Грција

Трагедија ја потресе северна Грција откако шумски пожар се прошири во близина на Солун и однесе два живота. Според властите, загинал 66-годишен маж, а во семејната куќа подоцна било пронајдено уште едно тело, за кое се верува дека е неговиот 12-годишен син
Сите вести од Регион

Најнови вести

To top