Премиерот Христијан Мицкоски денеска ќе присуствува на Самитот Европска Унија-Западен Балкан кој ќе се одржи во Тиват, Република Црна Гора, соопштија вчера од Владата.
Лидерите на ЕУ и лидерите на земјите од Западен Балкан на Самитот се очекува да го оценат напредокот во интеграцијата на земјите од регионот кон ЕУ, а темите на дискусија ќе бидат и безбедносните предизвици и зајакнувањето на соработката во областа на надворешната и одбранбената политика.
Самитот се одржува шест месеци по последниот самит во Брисел, потврдувајќи ја силата на односите на ЕУ со Западен Балкан.
Самитот ќе го води претседателот на Европскиот совет, Антонио Кошта, а домаќин ќе биде претседателот на Црна Гора, . ЕУ ќе ја претставуваат претседателот на Европскиот совет и претседателот на Европската комисија, Урсула Фон дер Лајен. Се очекува и учество нависоката претставничка за надворешна политика, Каја Калас.
Темата на самитот е „Споделен просперитет и стабилност на ЕУ и Западен Балкан“, соопштија од Еврропскиот совет
За време на ручекот, денеска, лидерите ќе разговараат за проширувањето. Тоа ќе биде можност ЕУ да ја повтори својата целосна и недвосмислена посветеност на перспективата за членство на Западен Балкан во ЕУ.
Се очекува лидерите да го оценат напредокот постигнат во постепената интеграција на Западен Балкан во ЕУ и како таа понатаму да се унапреди, особено преку Планот за раст за Западен Балкан.
Тие, исто така, ќе разгледаат како да се справат со заедничките предизвици и да се зајакне безбедноста и отпорноста, наспроти сè посложената геополитичка позадина.
Премиерот Мицкоски минатата недела, одговарајќи на новинарски прашања, потврди дека ќе учествува на Самитот ЕУ-Западен Балкан во Тиват, каде што, како што рече, очекува да слушне повеќе детали за новите концепти и идеи за процесот на проширување на Европската Унија. Изјавата на Мицкоски конкретно се однесуваше на предложениот модел на германскиот канцелар Фридрих Мерц, кој повика на иновативни решенија за забрзување на процесот на проширување, ставајќи посебен фокус на Украина, но и на земјите од Западен Балкан и Молдавија.
Пред самитот во четврток, Франција и Германија презентираа иницијатива за давање нов поттик на проширувањето на ЕУ. Намерата е постепено вклучување на земјите-кандидатки за членство во ЕУ и поедноставување или забрзување на процесот на проширување.
Мицкоски на вечера со учесниците на самитот ЕУ – Западен Балкан во Тиват