Регион

Сакаа да му ја запалат канцеларијата на Еди Рама (ВИДЕО)

Политичките тензии во Албанија се зголемија во последните недели откако беа покренати обвиненија против вицепремиерката Белинда Балуку

2 минути за читање

Демонстрантите во Тирана вчера фрлаа молотови коктели врз зградата на владата во која се наоѓа канцеларијата на премиерот Еди Рама, барајќи оставка од владата откако обвинителите подигнаа обвинение против вицепремиерката за наводни обвиненија за корупција.

Политичките тензии во Албанија се зголемија во последните недели откако беа покренати обвиненија против вицепремиерката Белинда Балуку.

Таа, заедно со неколку функционери и приватни компании, се обвинети за злоупотреба на државни средства за фаворизирање на одредени фирми во големи инфраструктурни проекти. Таа ги нарече обвиненијата „клевета, инсинуации, полувистини и лаги“ во парламентот минатиот месец и рече дека целосно ќе соработува со судските органи.

Специјалното обвинителство, одговорно за борба против корупцијата и организираниот криминал, оваа недела побара од парламентот да го укине имунитетот на Белинда Балуку и да дозволи нејзино апсење.

Не е познато кога парламентот, во кој доминира владејачката партија на премиерот Рама, ќе гласа за барањето.

Додека демонстрантите фрлаа молотови коктели во понеделник, специјалната полицијата ја обезбедуваше зградата на владата, но не интервенираше против толпата.

„Доста ни е, бидејќи се украдени десетици и стотици милиони евра, а таа не поднесува оставка. Ова е срамно“, рече демонстрантот Арбен Суло, пренесува Ројтерс.

Поврзани теми:

избор|ЕДИ Рама|албанија|молотови коктели|опозиција

Повеќе на оваа тема:

Најнови вести од: Регион

Самоопределување пак победник, но Курти тешко дека ќе може сам да состави влада

Со речиси 100 проценти преброени гласови на последните избори во Косово, ажурираните резултати утрово потврдуваат убедлива победа на Движењето Самоопределување, кое води со 42,92% од гласовите, или 297.296 гласови
Сите вести од Регион

Најнови вести

To top