Директорот на средно училиште за западни и источни јазици „Проф. Васил Златарски“ во Софија, Александър Евтимов, е уапсен вчера вечерта по сигнал од родители дека поставил скриени камери во тоалетите што ги користат учениците.
Според информациите од бугарските медиуми, во тоалетите биле откриени околу 20 до 40 минијатурни камери, кои личеле на сензори за движење, а каблите воделе директно кон кабинетот на директорот. Евтимов наводно тврдел дека камерите биле за следење на однесувањето на учениците, како пушење во тоалетите.
По веста за апсењето, синоќа ученици, родители и наставници се собраа на протест пред училиштето.
Поставувањето камери во санитарни простории е грубо кршење на GDPR и бугарскиот Закон за заштита на лични податоци. Образувано е досъдебно производство, а истрагата продолжува.
Евтимов е директор од околу две години, а претходно бил на раководни позиции во други училишта. По назначувањето, се појавија информации дека суспендирал околу 40 наставници.
Министерството за образование соопшти дека соработува со истрагата.