Преговорите за пристапување на Албанија во ЕУ се во опасност поради плановите за изградба на луксузен одморалиште поддржано од Џаред Кушнер, зетот на Доналд Трамп, предупредија европратениците.
Европратениците ѝ порачаа на албанската влада дека мора да „го промени курсот“ бидејќи предложениот проект за заштитено крајбрежје и области со див свет ги крши политиките на ЕУ за животна средина.
Противењето на проектот предизвика бран протести познат како „фламинго револуција“, потсетува „Гардијан“.
Холандската европратеничка Тинеке Стрик, која ја предводеше мисијата за утврдување факти на Европскиот парламент во Албанија, рече дека албанското раководство „си игра со оган“ со тоа што го продолжува проектот од 1,4 милијарди евра, за кој таа вели дека ќе го уништи недопреното крајбрежје.
Холандската европратеничка Тинеке Стрик, која ја предводеше мисијата за утврдување факти на Европскиот парламент во Албанија, рече дека албанското раководство „си игра со оган“ со тоа што го продолжува проектот од 1,4 милијарди евра, за кој таа тврди дека ќе го уништи недопреното крајбрежје.
Во интервју за „Гардијан“, Стрик рече: „Ако премиерот Рама е навистина сериозен во врска со своите амбиции да се приклучи на ЕУ, треба да се откаже од овој курс и да му каже на кланот Трамп: „Жал ми е, ЕУ е мој врвен приоритет“. Тие во моментов го загрозуваат процесот за кој толку многу се грижат… Тие си играат со оган.“
Членството во ЕУ има поддршка од 92 проценти од албанските граѓани, што го прави најшироко поддржана цел од падот на комунизмот.
Албанија на нозе – се бара оставка од премиерот Еди Рама и неговата влада