Инвестицијата изнесува речиси 1 милијарда лева односно половина милијада евра и ќе биде една од најзначајните странски инвестиции во последните години и е клучен чекор во модернизацијата на бугарската одбранбена индустрија, пишува „Сега“.
„Тоа е исто така дел од напорите на Европската унија и НАТО за зајакнување на одбранбените капацитети и стратешката автономија на Европа во контекст на променетата геополитичка средина“, објави премиерот Росен Жељазков.
Бугарија ќе стане центар на компетентност во одбранбената индустрија за цела Европа, објави извршниот директор на Рајнметал, Армин Папергер, на потпишувањето.
Според него, со имплементацијата на проектот ќе се создаде една од најмодерните фабрики во светот за производство на барут и муниција.
„Ќе изградиме огромен производствен потенцијал – 100 илјади гранати од 155 мм годишно, кои ќе се извезуваат во текот на следните десет години.
На Европската унија и НАТО им се потребни милиони вакви гранати, а според нашите пресметки, на алијансата ќе ѝ бидат потребни околу 50 милиони“, рече Папергер.
Како дел од инвестицијата, ќе бидат создадени 1.000 нови висококвалификувани работни места.
Германскиот концерн моментално гради 10 фабрики истовремено.